(NTN24-Infobae) – Un hecho fatal cu ta involucra un mucha di 3 aña a genera un conmocion grandi na Colombia, specificamente na e municipio di Fusagasuga, Cundinamarca.

Un mucha di solamente 3 aña di edad reporta como desaparecido diamars 5 di maart bao e nomber di Jeronimo Angulo, ta uni na e lista di hechonan violento cu tin como victimanan muchanan na teritorio nacional y cu cada biaha ta bira mas frecuente.

Unidad di Cuerpo di Bombero di Fusagasuga a haya e curpa di e mucha den oranan di atardi di diaranson ultimo 6 di maart cerca di un rooi, na un sector conoci como La Aguadita, un zona rural di Fusagasuga.

E denuncia di e desaparicion di e mucha a bira conoci diamars ultimo ora e mama di dje a haya un alerta di su pareha sentimental y padrastro di e mucha. Di acuerdo cu e declaracion di e mama, Erika Ocampo, prome cu a haya e curpa sin bida, el a bisa cu tur cos a sucede ora e tabata na su trabou.

Segun su version, mientras e tabata trahando el a haya un yamada di su pareha ken a sigura cu e mucha a disparce di e cas mientras el a sali haci algun comprasnan.

E bisiñanan a uni na unidadnan di Polis Nacional y organismonan di buskeda, oranan a pasa y debi na aumento di atakenan contra muchanan menor di edad na teritorio nacional, autoridadnan local a dicidi di instala un Puesto di Mando Unifica (PMU) pa coordina accionnan cu e obhetivo di haya e mucha.

Oranan prome cu a ubica e cadaver, su mama a traves di television a pidi ayudo pa haya su yiu.

Coronel Andrés Serna, comandante di Polis di Cundinamarca a indica cu nan a dispone di un ekipo special pa traha den e buskeda y tabata bao coordinacion di e PMU instala pa Alcaldia di Fusagasuga.

Despues di 4or di atardi di diaranson ultimo Cuerpo di Bombero di Cundinamarca a anuncia riba e hallazgo di e curpa sin bida di Jeronimo Angulo.

Di acuerdo cu detayenan entrega pa autoridadnan encarga di e atencion di e caso aki, organismonan di rescate a haya un saco di sushi di color berde cerca un rooi, ora nan a check e contenido di e saco por a establece cu tabata trata di e curpa di e mucha di tres aña reporta como desaparecido e dia anterior.

A traves di rednan social Fiscalia General di Nacion a anuncia cu un bes a haya e curpa sin bida di e mucha a cuminsa cu e investigacion pa aclaria e hechonan.

Ta parce cu e padrastro a purba di sali for di e municipio den un bus, sinembargo, Polis Nacional a logra deten’e y a present’e na autoridadnan pertinente. Te ainda e investigacion no a culmina y nan no ta descarta un homicidio, teniendo na cuenta e condicionnan den cual a haya e curpa di Jeronimo.