Mescos cu e añanan anterior riba 4 di mei Reino Hulandes ta conmemora esnan cu a fayece durante segunda guera mundial.
Awendia riba 4 di mei tambe ta conmemora miembronan di Reino Hulandes cu a fayece durante conflictonan militar (Indonesia) y tambe durante operacionnan di paz (Libanon, Bosnia y Afghanistan).
E conmemoracionnan ta consisti di un ceremonia cu ta ponemento di krans door di nos Rey, familiarnan, representantenan di gobierno, militarnan, organisacionnan di resistencia y diferente organisacion y grupo den e comunidad.
E conmemoracion ta tuma luga na e monumento situa na Adriaan Lacle Boulevard, cu lo ser cera pa trafico y lo tuma luga di 5 ‘or y mei te 6’or y mei di atardi.
E programa ta consisti di un oracion di e religioso militar, ponemento di krans door di gobernador, un discurso di ministro-presidente, ponemento di krans na nomber di familiarnan di e fayecidonan y ex-combatantenan, na nomber di parlamento, na nomber di gobierno, na nomber di representacion di Hulanda na Aruba, na nomber di personal y militarnan di Marinierskazerne Savaneta y na nomber di e hubentud di Aruba.
