Mescos cu e añanan anterior riba 4 di mei Reino Hulandes ta conmemora esnan cu a fayece durante segunda guera mundial. Na Hulanda un dia despues tambe ta celebra e liberacion for di e ocupacion Aleman.
Awendia riba 4 di mei tambe ta conmemora miembronan di Reino Hulandes cu a fayece durante conflictonan militar (Indonesia) y tambe durante operacionnan di pas (Libanon, Bosnia y Afghanistan).
E conmemoracionnan ta consisti di un ceremonia cu ta ponemento di kranspa La Reina, famianan, representantenan di gobierno, militarnan, organisacionnan di resistencia y diferente organisacion y grupo den e comunidad.
Na Hulanda desde 6’or di atardi te bahada di solo banderanan ta wordo hisahalfstok. Tambe kloknan di misa ta bati desde cuarto pa 8 te 8’or y sigui pa 2 minuut di silencio cu un y tur ta respeta.
Esey kiermen cu mas tanto posibel actividadnan ta ser para, manera transmision di radio y television, transporte publico y otro cosnan. Tur luznanpublico ta ser cendi pa asina un y tur sa ki ora e dos minuutnan ta cuminsa y termina.
Na Aruba e conmemoracion ta consisti di un oracion di e religioso militar, ponemento di krans pa Gobernador, un discurso di Ministro Presidente, ponemento di krans na nomber di famianan di e fayecidonan y personanan cu a combati, na nomber di Parlamento, na nomber di Gobierno, na nomber di Representacion di Hulanda na Aruba, na nomber di personal y militarnan di marinierskazerne Savaneta y na nomber di e hubentud di Aruba.
E programa ta tuma luga na e monumento situa na Adriaan Lacle Boulevard, cu lo ser cera pa trafico y lo tuma luga di 5’or y mei te 6’or y mey di atardi.
Prensa, famianan di civil nan y militarnan, esun cu a combati, hubentud y publico en general ta ser invita pa presencia e conmemoracion importante aki.
