Confirma, No tin Caiso y Soca Monarch e aña aki

Despues di reunion cu Smac a tene cu musica 10or ayera nochi cu ainda ta laga espacio pa dicidi awe si lo tin e festival, pa mas o menos 12or y mey marduga a drenta otro informacion y a bisa cu definitivamente lo no tin e festival e aña aki. Esaki ta e comunicado emiti pa Smac

Baño di awa friu
Tabata ayera nochi durante e conferencia di prensa cu un presidente di Smac visiblemente desapunta, siendo cu aserca Musica desde oktober 2015 pa organisa e festival. Y a laga tur porta habri pa bienestar di e musiconan pa toch yega na un solucion. Smac a haya un baño di awa frieu diahuebs ora cu Musica a informa oficialmente cu nan ta ‘entrega’ e encargo pa organisa e festival e aña aki. Como motibo principal a duna cu pa falta di sponsor nan no por a logra.

Smac a considera esaki un mal hecho mirando cu a wanta e organisacion carnavalesco na lina pa 12 dia prome cu e festival mester a start den gran forma, nan a bin cu e informacion aki. Smac claramente no a aprecia e gesto aki y a keda cu un sabor hopi amargo di e fundacion Musica. Despues cu a ofrecenan 0 florin pa organisa e festival e unico exigencia tawata cu Smac no kier para responsbel pa niun contract y niun debe haci.

Falta di interes bandanan

A acerca e bandanan musical individualmente pa wak si tin interes pa nan participa toch den un eventual festival. Pero diahuebs anochi ora cu a tuma contacto cu e bandanan, a bira conoci hopi lihe cu e interes no tey, y cu esunnan cu tin interes, e tempo ta mucho cortico.

Otro actividad

Smac a compronde cu tin bandanan cu a prepara como 7 cantica pa participa, pues toch tin cu a prepara. Smac a aserca su main sponsernan pa organisa un concurso cu un suma cuantioso pa e cancion mas popular. Asina Smac ta duna honor toch na esunnan cu a prepara pa e festival sin cu nan ta keda perhudica.