Mientras cu e variante nobo di COVID-19, Omicron, tabata causa un ola nobo di infeccion, consumidornan a bira mas pesimista, mirando cu e confiansa di consumidor a baha cu 0,8 punto di indice te na 94,1* durante e di cuater trimester di 2021 (Grafiek 1).

Na final di e di cuater trimester di 2022, e preocupacion mas grandi di consumidornan tabata (i) e posicion financiero di gobierno cu lo empeora (7 punto di porcentahe mas compara cu e trimester anterior (Q3-2021: 54 porciento)), mientras cu (ii) 32 porciento di respondentenan ta pensa cu e situation economico lo ta mas malo, esta, 7 punto di porcentahe mas compara cu e trimester anterior (Q3-2021: 25 porciento). Notabel ta cu 51 porciento di respondentenan ta pensa ainda cu haña un trabouw nobo ta mas dificil, esta 4 punto di percentahe mas compara cu e trimester anterior (Q3-2021: 47 porciento). Sinembargo, solamente 56 porciento di encuestadonan a raporta cu nan ta preocupa cu nan estado di salud, cual ta 10 punto di porcentahe menos compara cu e trimester anterior (Q3-2021: 66 porciento).

Tanto e indice di e situacion actual como e indice di expectativa a baha cu, respectivamente, 1,6 punto di indice te na 93,4 y cu 1,0 punto di indice te na 96,1 den e di cuater trimester di 2021. Mas respondente ( 60 porciento) tabata anticipa cu recuperacion economico di Aruba for di e crisis di COVID-19 lo tuma 2 aña mas (Q3-2021: 56 porciento).

E cantidad di encuestadornan (66 porciento) cu a raporta cu compra di un auto no tabata apropia a keda paracticamente mescos (Q3-2021: 67 porciento), mientras cu un cantidad poco mas halto (67 porciento) a indica cu haci un prestamo no tabata adecua (Q3-2021: 65 porciento). Un cantidad poco menos (60 porciento) a indica cu tuma un hipoteca no tabata adecua (Q3-2021: 61 porciento). Como 51 porciento di encuestadonan a raporta cu bai cu vakantie no tabata apropia (Q3-2021: 56 porciento). Consecuentemente, e indice di habito di consumidor tabata 93,9 den e di cuater trimester di 2021, compara cu 94,1 den e trimester anterior.

Informacion adicional riba e encuesta di confiansa di consumidor ta disponibel riba website di CBA (https://www.cbaruba.org/).

* E indice por varia entre 90 y 110. Entre 90 y 100, e indice ta mustra un situacion di pesimismo. Un indice di exactamente 100 ta indica cu consumidornan no ta ni optimista, tampoco pesimista, pero ta neutral den nan pensamento di desaroyo economico na Aruba. Entre 100 y 110, e indice ta mustra un situacion di optimismo den pensamento di consumidornan.