ORANJESTAD – Banco Central a publica su encuesta riba e Confiansa di e Consumidor pa e prome kwartaal di 2019. Segun Banco su encuesta, den e prome kwartaal di 2019, e consumidor su confiansa a bira menos compara cu e ultimo lunanan di 2018.
Sin embargo, ora ta analisa e grafico y lesa e tabel, por mira cu e sentimento di e consumidor no tabata mucho diferente desde aña 2015 bin ariba. Positivo si ta cu e expectativa di e consumidor cu su situacion financiero personal lo mehora den e proximo 6 luna, y cu a pesar di tur cos, lo bay tuma vakantie, segun e comunicado emiti pa Ministerio di Finanzas.
