(NLTimes)—E confiansa di e poblacion Hulandes den gobierno y e banco central, De Nederlansche Bank (DNB), a declina significamente den e ultimo aña cu a pasa. Esaki ta pa via di inflacion halto, e guera na Ucrania, e pandemia di Covid-19 y e aumento den prijs di coriente, segun e investigacion di DNB.
Den e temporada di herfst aña pasa, 22% di hende so por a bisa cu nan confiansa den e politiconan di e pais ta halto of hopi halto. E cantidad aki ta 42% mas abou cu e percentahe na 2021. E cantidad cu a expresa nan confiansa den DNB a declina for di 75% pa 66%. E DNB ta encuesta e publico regularmente tocante nan nivel di confiansa den nan, y a conduci encuesta adicional na september y oktober aña pasa.
“Confiansa ta relata cu hopi factura y hopi cos a sosode den e ultimo añanan, cual probablemente e causa un efecto riba e confiansa di e Hulandesnan,” DNB a bisa. E banco tambe a declara cu e aumento di prijs a wordo causa mas tanto pa factornan cu ta pafo di e control di e banco y gobierno.
Segun investigadonan, confiansa ta mas abou den conusmidonan cu ta experiencia e aumento di prijs ora di haci compras, y tambe den esunnan di cual e prijs di coriente a subi. Den e temporada di herfst na 2022, casi 3 den 10 residentenan di Hulanda a experiencia un aumento di minimo 30% den prijs di compras.
Casi 1 den 5 persona mester a maneha un aumento di minimo 150 euro den nan gasto di coriente tur luna. “Tambe den un respuesta riba e inflacion halto, hopi hende ta bisa cu nan ta gastando mas placa, y uzando menos coriente pa baha prijs di costo.”
E aumento halto den prijs no tin solamente consecuencianan financiero. 1 den 5 persona Hulandes ta experiencia mas stress pa via di e aumento. “Hende cu ta experiencia mas stress pa via di inflacion tin menos confiansa den banconan central y e gobierno nacional compara cu otro hende. Mescos ta conta pa esunnan cu tin dificultad di paga nan gastonan tur luna y esunnan cu ta come nan savings of ta mira na debe subi,” segun DNB.
