Aunke cu el a nenga rotundamente cu su actonan tabatin un intencion sexual su tras, Corte a yega na otro conclusion. Corte a hay’e culpabel y pa cual ademas di e castigodi prizon, Octavio Woodley lo no por traha mas na scol.
Siman pasa tabatin sentencia di e caso aki contra e homber di 63 aña, cu tin declaracion di cinco mucha homber di e scol kendenan no a gusta e forma cu e tabata actua y mishi cu nan, den un forma di intimidad. Pero tambe a maltrata dos di nan, cu el a bisa cu esey tabata corigi nan actitud.
A logra compila suficiente informacion pa manda e caso dilanti mesa berde y despues di scucha e partidonan envolvi, fiscal a conclui cu e homber a haci su mes culpabel na actonan di inmoralidad cu e muchanan menor di edad pa cual a pidi un castigo di 10 luna di cual mita ta condicional y 3 aña di prueba. Na mesun momento a pidi un ordo cu e no mag traha na scol (cu muchanan mas).
Den e sentencia ta menciona cu no por papia di masashi, manera e acusado a bisa a haci, si e mes a bisa nan I will squeeze all the yelly out of you y otro palabranan similar. Esey ta motibo cu Hues a bay di acuerdo cu e demanda y tambe e parti cu e no por traha na scol cu muchanan menor di edad. Pero tambe e mester bay bou guia di Reclassering
