Durante siman por a tuma nota tocante e reunion publico cu parlamento a tene pa locual ta trata e decision di presupuesto nobo mirando e situacion di coronavirus. Ayera mainta a presenta e concepto di ley pa e reglamento di rebaho di salario pa parlamentarionan, ministernan y minister plenipotenciario.

Parlamentario Rocco Tjon (MEP) a presenta conhuntamente cu colega di fraccion RED na president di parlamento e concepto di ley pa e reglamento di rebaho di salario manera a wordo menciona ariba.

Esey ta e calculacion di fase 3, gobierno lo presenta esaki. Nan a tuma iniciativa y reuni cu consehero pa asina trece calculacion pa baha salario di parlamentario, minister y minister plenipotenciario a base di nan salario y beneficio regla pa ley.

Segun e cambio proponi, parlamento den su totalidad lo entrega Afl. 500,000. E concepto a keda firma y entrega na presidente di parlamento, Juan ‘Adi’ Thijsen.

Ricardo Croes, parlamentario di fraccion RED a pidi pa comunidad coopera cu gobierno y husticia pa ‘e salud di Aruba’. Anunciando cu tur ta pasando den un momento extraordinario cu nunca pueblo di Aruba a biba un momento manera esaki, e ta ‘boga pa cooperacion di contene e virus’.

“Pa contene e virus pa asina nos por duna atencion na problema serio cu lo biba pa e siguiente luna cu ta bin nos dilanti. Caminda tur politico cu ta forma parti di partido ta haya oportunidad di representa pueblo di Aruba den e mesun liña.”

Croes a menciona esaki mirando cu den e reunion publico tabatin palabracion cu mester a tuma medida den e sector publico y cu durante e reunion un colega a dicidi pa entrega un mocion ‘treciendo e resultado’ cu na final a keda presenta.

El a bisa cu reunion di parlamento ta exigi union pa Aruba completo. Sin distincion di partido, Aruba mester ta uni, papia cosnan constructivo pa tin stabilidad. E ley cu a presenta ta pa no entrega 1.000 florin pa luna so, ya cu ‘esey no ta yega pa nada’.

Sinembargo el a bisa cu lo entrega mas, aunke ‘esey tampoco lo ta yega, pero un gesto necesario di nos parti’. Croes a expresa cu esaki ta e cuminsamento y ‘Dios so sa con leu e situacion ta bay yega. “Sin union nos por lubida”, sin respet pa gobernante tambe a bisa cu por lubida.

“Si bo ta stima e ciudadano aki, e deseo ta pa contene e virus. Ta roga pa tur hende por fabor keda boso cas y obedece locual gobierno ta pidi. Si no tin trabou pa proteha e dushi pais aki”, el a comparti.

Presidente di parlamento Juan Thijsen a bisa cu locual a entrega ta pa yuda pueblo cu e problema grandi lo tin. “Di mi parti contento cu por ricibi e ley, pasobra ta mustra e seriedad di locual ta confronta.”

Segun Tijsen e problema grandi tin cu vence hunto y tin cu mustra solidaridad den e temponan aki. Cu cada ‘colega a haci posibel’, di parlamentario pa departamento di gobierno pa sector priva, pa tur hende resa pa niun persona fayece ‘pasobra si ta esey, e dolor ta bira grandi’.

Di cada parlamentario lo entrega 25.000 cu ta e ley di iniciativa cu a entrega pa asina wordo

trata y haci votacion. Segun Tjon a informa cu no ta kere niun parlamentario lo ta contra e ley cu presenta y lo drenta vigor manera wordo trata na comienso di april.