Con por maneha depresion post parto

Ta normal cu hende muhe ta experiencia diferente emocion ora nan ta haya nan yiu, algun di nan ta sinti contento for di e prome dia y otronan ta pasa di ansiedad pa felicidad, cu por dura poco dianan of mas tempo.

E termino tristesa pos parto of baby blues ta wordo usa pa describi cambionan leve den estado di animo, asina como sentimentonan di preocupacion, infelicidad y agotamiento cu hopi hende muhe por experimenta durante e prome dos siman despues di e parto.

E babynan recien naci ta rekeri di 24 ora di atencion, pa loke ta normal cu e mamanan ta sinti cansa, si cambionan di estado di animo of sentimento di ansiedad ta hopi fuerte of si ta dura mas cu dos siman, ta posibel cu e mama ta sufri di depresion post parto, den mayoria, esunnan cu ta sinti e tipo di depresion aki no lo sinti miho tanten lo no ricibi un tratamento.

Depresion post parto ta un experiencia habitual entre e mama cu ta caba di haya yiu, alteracion di hormona, cansancio y responsabilidad nobo cu por confundi e mama, unda probablemente por sinti algun di e sintomanan aki:

E sentimento di no kier nada cu e baby, sinti incomodo como un mama nobo, unda ta parce cu e baby ta pertenece na hospital y no na e mama mes;

Sentimento di perdida, ora e ta duna luz, por sinti cu un etapa di e bida a finalisa, ta probabel cu lo sinti cu no ta e mesun persona y cu a perde su libertad y independencia;

Fantasia y realidad, e baby lo por ta distinto di esun cu e mama a imagina ora e tabata na estado,e fantasia a caba y awor esey por causa dolor;

Adaptacion na e maternidad, ta posibel cu e hecho di bira mama no ta loke el a imagina, e por sinti cu ta un persona diferente, cu responsabilidadnan nobo;

Emocion confuso, por sucede cu e ta sinti hopi tristo na e momento cu e tabata pensa cu por tabata e momento mas feliz di su bida;

Cambionan hormonal, e curpa ta yen di hormona, posiblemente e mama tambe ta cansa y ta sinti dolor fisico.

Problemanan na hospital of den e parto, si e parto no a sali manera tabata espera, ta posibel cu e mama a bira tristo, ademas, problemanan cu hospitalisacion por bira traumatico.

Si e sentimentonan di tristesa of ansiedad ta persisti, ta probabel cu e mama ta sufriendo un depresion post parto unda ta sinti cu cansancio, tristesa, desesperansa, falta di soño of di apetit, confusion, perdida di memoria, yoramento incontrolabel, falta di interes cu e baby, falta di interes pa tin relacion sexual y cu apariencia.

E realidad di e mama ta cu den su funcion nobo di bida lo por resulta agotador, ta importante pa tuma e tempo y espacio pa adapta su mes, por lo menos un di cada dies mama ta sufri di depresion post parto.

Sintomanan di depresion post parto por aparece despues di e nacemento di e baby of te hasta un aña despues, si e mama ta padece di un di e sintomanan menciona mester busca ayudo specialisa.

Ta importante pa trata e depresion post parto tanto pa e salud di e mama como di su baby, ya cu esaki lo por tin efectonan grave pa e salud di ambos, cu un tratamento adecua, e mayoria di hende muhe ta sinti hopi miho y nan sintomanan ta mehora.

Si tratamento no ta reduci e sintomanan, terapia di stimulacion celebral ta un opcion cu por wordo explora, tambe cu psicoterapia y otronan unda e mama ta haya antidepresivo cu por yuda mehora e forma den e cual e celebro ta usa cierto substancia kimico cu ta controla e estado di animo of stress.

E pildonan aki tin su tempo pa wordo funciona den organismo, generalmente entre 6 pa 8 siman y tin biaha ta mehora e sintomanan como soño, apetit y problemanan di concentracion prome cu estado di animo lo mehora.

Ademas ta importante pa menciona cu depresion ta un problema medico cu ta afecta e mama, e baby y famia, specialmente e pareha di e mama cu por ta esun prome cu ta reconoce e sintomanan di depresion post parto di e mama nobo, tratamento ta fundamental pa e recuperacion igualmente cu e famia cu por yuda e mama pa papia cu un specialista.