(offspring.lifehacker.com) – Pa hopi famia, ora di come por ta un bataya. Logra pa muchanan purba algo fuera di e ciclo di chicken nuggets y macaroni and cheese por sinti manera un negociacion sin fin. Pero mientras esaki por ta un fase pa hopi famia, algun mayor berdaderamente ta lucha pa duna nan yiu un cuminda adecua.
Muchanan diagnostica cu Desorden di Alimentacion Pediatrico (DAP) por haya doloroso pa kauw y guli cuminda. E Journal of Pediatric Gastroenterology and Nutrition ta defini e condicion como e ‘inhabilidad di consumi suficiente cuminda y likido pa cumpli cu rekisitonan nutricional y di hidratacion’.
Un di cada 37 mucha bao edad di cinco aña tin DAP, pero esnan cu a nace prematuro, ta den spectrum di autismo, of ta sufri di distrofia muscular of cerebral palsy tin mayor riesgo. DAP tambe por afecta desaroyo y bienestar di e mucha. Si e condicion no ta familiar, ta pasobra apenas awo e ta hayando reconocemento entre psikiatranan.
DAP vs no gusta cierto cuminda
DAP ta mas cu un mucha no kier come su cuminda. Ta un interupcion di nan proceso di alimentacion, cu ta haci nan incapaz di come e mesun cantidad of tipo di cuminda cu otro mucha di nan edad. E sintomanan aki por bin di alergianan severo, reflux of dificultad transicionando di pecho pa cuminda solido.
Segun expertonan, tin señalnan cu mayornan y dunadonan di cuido por usa durante cuminda pa yuda nan diferencia si tin algo serio:
– Choca, pega, saca of tosa ora di come;
– Nenga pa come of bebe, of desplega preferencia estricto pa cuminda;
– Problema manteniendo nivelnan di nutricion of hidratacion;
– Depende riba un tipo di cuminda, manera boter, pure of snack;
– Cansa ora di come;
– No ta subi peso of ta subi peso excesivo;
– E mucha ta nenga di bin mesa pa come;
– Mayornan y dunadonan di cuido sintiendo stress of abruma.
Si no trata e sintomanan, nan por progresa na un discapacidad. Algun caso di DAP ta asina severo cu ta alimenta muchanan via un tubo pa duna nan e nutricion cu mester pa crece fuerte. Y segun expertonan, alimenta mucha por keda un reto a pesar di trata sintomanan di DAP, ya cu e mucha por keda cu un experiencia traumatico.
Si bo sospecha cu bo yiu por ta sufri di DAP, ta recomenda pa tuma contacto cu pediratra.
