( Msn.com/Insider ) – Medicamente conoci como supresion di menstruacion, e interupcion di e menstruacion por keda realisa cu diferente metodonan di anticonceptivonan hormonal.

Sin embargo, algun di nan por tarda un par di luna den ta completamente efectivo, Sherry Ross, MD, un gineco-obstetra cu su propio practica priva.

Anticonceptivo oral

Si bo ta tumando pildonan di anticonceptivo, por experimenta un sangrado tur luna ora ta tuma pildonan di placebo. Si tin algun dianan di placebo cu ta coincidi cu bo ocasion, por omiti e pildonan di placebo y cuminsa un pakete nobo den su luga.

Sin embargo, esaki por preveni of no e sangrado por completo : por tuma di dos na tres luna di tum’e continuamente pildonan di anticonceptivo hormonal activo, sin pildonan di placebo, pa e keda deteni na cualkier sangrado iregular, Ross ta bisa. Por lo tanto, e ta recomenda planifica cu anticipacion si sa cu un gran ocasion ta biniendo den e proximo lunanan.

Medicacion hormonal

E ta posibel cu por retrasa bo menstruacion cu medicamentonan hormonal cu ta contene noretindrona, cual ta un forma di hormona progesterona, e mesun ingrediente activo den e anticonceptivonan hormonal. Mester cuminsa tuma e medicamento aki un dia prome cu e inicio di bo menstruacion pa retrasa bo periodo. Probablemente lo bo haya bo menstruacion di un na dos dia despues di a tin’e.

Un estudio chikito haci na 2019 a haya cu e personanan cu a tuma noretindrona pa retrasa su periodo tabata tin menos probabilidad di experimenta un sangrado iregular cu esunnan cu tabata intenta di retrase cu pildonan di anticonceptivo. Sin embargo, e estudio tambe a haya cu esunnan cu a tuma noretindrona tabata tin mas probabilidad di aumenta di peso.

Remedinan casero

A pesar di algun afirmacionnan, no tin evidencia cu consumi binager di sidra di appel of juice di lamunchi tur dia por retrasa bo periodo. “Ningun di e remedinan caseronan aki di “haci bo mes” ( DIY ) lo retrasa bo menstruacion”, Ross ta bisa.

Con pa corta bo menstruacion of reduci e fluho si ya el a cuminsa

Si ya no por detene bo menstruacion na tempo pa bo ocasion, e ta posibel cu por corte of reduci su intensidad cu e metodonan aki.

  • Remedinan basa di yerba : segun un revision di 2016, e remedinan a base di yerbanan manera e capsulanan di ginger or harabe di fruta por yuda reduci e duracion y e fluho di bo menstruacion, sin embargo, e revision ta bisa cu ta rekeri mas investigacion adicional pa prueba e siguridad y eficacia di e metodonan aki.
  • Orgasmonan : tene un orgasmo ta haci cu e musculonan di e utero ta contrai. Si ya bo tin bo menstruacion, e orgasmo por haci cu e sanger por keda expulsa mas lihe, loke por corta bo menstruacion, aunke no tin hopi evidencia cu esaki por ta eficaz. E orgasmonan tambe por yuda reduci e intensidad di e coliconan menstrual.
  • Ehercicio : Haci ehercicio cu regularidad por yuda reduci e intensidad di e calambernan y otro sintomanan di e sindroma premenstrual, Ross ta bisa. E ehercicio por incluso reduci e frecuencia of e duracion di bo menstruacion of por cumins’e repentinamente un rutina nobo di ehercicionan intenso por haci cu bo menstruacion ta detene of ta bira mas iregular.
  • Ibuprofeno y Aleve : Tuma ibuprofeno of Aleve ora bo tin bo menstruacion por yuda alivia e coliconan menstrual y ta reduci e fluho eentre un 20% na un 40%. E medicamentonan aki ta actua inhibiendo e produccion di prostaglandimas, cu ta compuesto inflamatorio cu ta desencadena contraccionnan den e utero.

Con pa detene bo menstruacion na largo plaso

Si ta buscando un solucion mas permanente y ta desea cancela bo menstruacion durante lunanan largo den luga di solamente un par di dia of siman, tin varios opcion :

  • Implante anticonceptivo : Nexplanon ta un implante anticonceptivo cu ta contene progesterona cu ta keda inserta den bo brasa y e tin un duracion di hasta 3 aña, Ross ta bisa. E implante aki por detene bo menstruacion of resulta manera un menstruacion significativamente mas suave. E bentaha adicional di e implantenan y e DUI ( spiral ) ta cu e no ta necesario pa corda tuma un pildo tur dia, Ross ta bisa.

Si ta buscando un solucion ma permanente y ta desea di cancela bo menstruacion

  • Inyeccion di control natal : Depo-Provera ta un forma di control di e natalidad di accion prolonga cu ta contene progesterona cu ta administra pa inyeccion cada 1 siman, Ross ta bisa. E ta bisa cu si ta bon por detene bo menstruacion of haci’e menos frecuente, tambe por causa efectonan secundario manera acne, aumento di peso, depresion y dolornan di cabes.
  • Procedemento di ablacion endometrial : un ablacion endometrial ta un procedemento cu por realisa pa detene su periodo : ta implica kita e endometrio, cu e ta un capa delega di tehido den e utero, pa evita pa e bolbe crece cada di mas, segun Ross. Den ocasionnan, e procedemento aki ta recomenda pa personanan cu menstruacion hopi abundante of prolonga of pa ken nan tin e riesgo di anemia debi na e perdida di sanger menstrual. Sin embargo, e procedemento aki no ta un recomendabel si ta desea di keda na estado den futuro, ya cu e por haci cu hiba un embaraso a termino por ta dificil y peligroso.

Pa hiba manera informacion privilegia

Si ta desea pospone bo periodo pa un dia of dos dia pasobra tin un ocasion importante, por pidi bo medico un medicamento receta of cu ta contene e hormona noretindrona cu anticipacion cu por cuminsa tum’e un par di dia prome cu e fecha previsto pa bo menstruacion pa bo periodo.

Si ya ta tumando e pildo, omiti e pildonan di placebo por retrasa bo periodo, aunke e ta posibel cu e metodo aki no ta funciona a menos cu ta tuma e pildonan di anticonceptivo hormonal activo di manera constante durante algun lunanan.

Por detene bo menstruacion por completo cu anticoneptivo hormonal manera pildonan di ciclo continuo, implantenan, inyeccionnan of DIU : e metodonan aki por tarda un par di luna den ta efectivo.

Si ta pasando pa un periodo doloroso, e ehercicio, bebe awa cayente y come alimentonan rico den calcio por yuda alivia e parti di e dolor, segun Ross. Tambe por tuma medicamentonan manera ibuprofeno y Aleve pa detene e fluho y reduci e calambernan.