Hero ta un mineral esencial cu ta wordo haya den alimentonan manera chuculati, carni, spinazie y batatanan. Ora un persona no tin e hero suficiente, por experimenta fatiga, aturdimento y un aumento di temperatura den e sanger.
Esaki ta loke mester sa sobre e roll di hero den e curpa, e deficiencia di hero y con pa trat’e.
Kico hero ta haci?
Hero ta un mineral cu e curpa ta absorbe a traves di alimentonan y suplementonan. E ta esencial pa e produccion di sanger, ya cu e ta contribui den e creacion di hemoglobina, un parti di e globulonan cora responsabel di e transporte di oxigeno.
Mantene e nivelnan adecua di hero ta haci cu e curpa ta funciona corectamente. “Si e cantidad di hero den bo curpa ta abou, no lo por produci suficiente hemoglobina, loke ta provoca anemia door di deficiencia di hero”, ta bisa Bansari Acharya, dietista-nutricionista registra.
Termino medico : e anemia ta un afeccion cu ta pasa ora un persona no tin suficiente globulo cora pa transporta adecuadamente e oxigeno a traves di e curpa. E anemia por causa sintomanan manera fatiga, marea y cuero palido. Tin tiponan di anemia cu no ta causa door di e deficiencia di hero.
Aproximadamente entre 1,5 y 2 mill miyon di personanan den ful e mundo ta padece di deficiencia di hero. Na Merca, aproximadamente 10 miyon, di personanan tin deficiencia di hero y 5 miyon di personanan tin anemia door di deficiencia di hero.
E sintomanan di e deficiencia di hero
Compronde e signonan di e deficiencia di hero por yuda determina si tin e afeccion. Segun Acharya, e sintomanan leve di e deficiencia di hero ta inlcui :
Fatiga
Aturdimento
Mannan y pianan friu
Falta di concentracion
Segun Nicole DeMasi, MS, RDN, CDCES, dietista-nutricionista registra, e sintomanan grave di e deficiencia di hero ta inclui :
Pica, antohonan di articulonan no alimentario
Fatiga severo
Un latido cardiaco lihe of iregular
Causanan di deficiencia di hero
E deficiencia di hero ta pasa ora ta consumi menos di bo ingesto diario recomenda di hero
E ingesto diario recomenda di hero ta varia segun e edad y tambe e sexo
Algun di e causanan comun di deficiencia di hero ta inclui :
Poco of nada di hero den bo dieta
Perdida di sanger, door di un ulcera, menstruacion abundante y otro causa
Dificultad pa absorbe hero debi na un cirugia di bypass reciente of un enfermedad gastrointestinal.
Segun DeMasi, e personanan cu un mayor riesgo di deficiencia di hero ta inclui :
Personanan cu periodonan abundante of menorragia, un afeccion unda bo periodo ta dura mas di 7 dia, loke ta hiba na un cantidad mayor di hero perdi den cada ciclo.
Personanan cu ta na estado, ya cu su necesidad di hero ta aumenta, pero e ta posibel cu e no ta su consumo.
E personanan cu cancer tin un privelancia di deficiencia di hero di 29% te cu 46%. Pa e patentnan cu cancer di colon, e riesgo ta aumenta te hasta un 60%. E riesgo di por preveni di e perdida cronico di sanger of di e anemia induci door di kimoterapia.
Hendenan cu ta vegan pasobra nan dieta ta exlui alimentonan, manera carni, cual ta rico den hero.
Diagnostico
“Un di e prome sintomanan di e deficiencia di hero ta fatiga” ta bisa Acharya. “Si ta sinti excesivamente cansa constantemente incluso despues di un descanso adecua y un actividad fisico limita, mester bay wak un medico”. Si un persona experimenta algun sintoma di deficiencia di hero, mester bishita bo medico pa determina e causa.
Un analisis di sanger por determina rapidamente un deficiencia di hero. Por verifica e recuento di hero, e capacidad di union di hero y e nivelnan di hemoglobina, ta bisa Acharya. Na analisa e nivelnan di hemoglobina, e posibel deficiencia di hero ta pasa di abou di 12 gram door di decilitro pa e hende muhenan y abou di 13,5 gram door di decilitro pa e hende hombernan.
Tratamento di e deficiencia di hero
Pa eleva di e nivelnan di hero, por come mas alimentonan cu ta contene hero, manera :
Cereal pa desayuno fortifica : 18 mg door di racion
Bonchinan blanco di bleki : 8mg pa un copi
Lentehanan : 3mg pa ½ copi
Spinazie, herbi y primi : 3mg pa un copi ½
Tofu, firme : 3mg pa ½ copi
Batatanan cu casca : 2 mg pa batata mediano
Conseho general : ademas di e cambionan den e dieta of si ya no ta consumi un diata rico den hero, e suplementonan por yuda na trata un deficiencia . e suplementonan generalmente ta prescribi den dosis di hasta 150 a 200 mg pa dia.
Na e personanan cu tin un halto riesgo, pero cu aun no tin deficiencia di hero of cu ta caba di supera un deficiencia di hero, si por receta di 60 na 100 mg pa dia, ta bisa DeMasi.
Pa hiba manera informacion privilegia
E deficiencia di hero ta pasa debi na e problemanan como sangrado den excesivo e insuficiencia di hero den bo dieta. E sintomanan di un deficiencia di hero ta inclui fatiga, mannan y pianan friu y latidonan cardiaco lihe of iregular. E deficiencia di hero por wordo diagnostica facilmente mediante na un analisis di sanger y e por wordo trata agregando hero na e dieta di un persona y tumando suplementonan.
