Un cuerpo di investigacion cada biaha mayor ta sugeri cu come menos carni y lactos y mas matanan por ta maraviyoso pa bo salud. Sin embargo, un dieta vegan of vegetariano no ta pa tur hende.

Afortunadamente, ta existi un termino medio : e dieta flexitariana. Como e nomber ta sugeri, e ta un version mas flexibel di bira vegetariano, loke ta significa cu ainda ta permiti di come carni, cuminda di lama, lactos y webonan cu moderacion.

Aki nan tin mas informacion tocante e dieta flexitariana y loke bo mester sa prome bo purba esaki.

Kico ta e dieta flexitariano?

E dieta flexitariano ta un tipo di dieta basa den matanan. Aunke algun di e personanan cu un dieta basa den matanan por opta pa elimina por completo e productonan animal, e flexitariano nan ainda ta disfruta di cantidadnan variabel den ocasionnan.

E termino flexitariano ta parce di a surgi banda di 2004 y a gana forsa despues cu e dietista Dawn Jackson Blanter a publica un buki tocante e dieta den 2008. Desde e ora, su popularidad a keda aumenta.

E dieta flexitariano tambe ta un forma di reduccionismo of reduccion di e consumo total di productonan animal. E diferencia, segun The Reducetarian Foundation, ta loke e reductornan ta disminui constantemente den su consumo di tur e productonan animal, por lo general cu e intencion di elimina nan eventualmente.

Beneficionan di un dieta flexitariano

“Tin hopi beneficionan pa salud den un dieta flexitariano” ta bisa e dietista registra Shena Jaramilloy,MS.

“Un dieta flexitariano por conduci na un aumento general di frutanan y berduranan, un reduccion di vet satura y trans y un aumento di ingesto di fibra. Esaki por yuda na reduci e colesterol, mehora e funcion intestinal, ta aumenta e inmunidad y reduci e inflamacion den e curpa” Jaramillo a bisa.

E tin sentido pasobra un dieta flexitariano por zona bon pa bo salud en general. Come mas matanan no solo ta yuda obtene mas vitaminanan y mineralnan cu bo curpa mester di dje, si no cu tambe e ta haci cu e lo ta mas facil pa alcansa e ingesto diario recomenda di fibra, cu ta desempeña un papel clave den e salud intestinal y den e control di sucu den e sanger.

Mientras tanto, ora ta reduci e cantidad di productonan animal cu ta consumi, tambe e ta reduci e ingesto di vetnan satura, cu a ser demostra cu ta eleva e colesterol LDL ( malo ), loke ta aumenta e riesgo di enfermedadnan cardiaco y accidentnan cerebrovascular.

Kico pa come y bebe den un dieta flexitariano

“E mayor parti di un dieta flexitariano ta debe na proveni di frutanan y berduranan, fresco of friz, bonchinan, lenteha, tofu y cerealnan integral” Jaramillo ta bisa na Insider. “ Ora bo ta come productonan di origen animal, intenta eligi carninan mas magras manera galiña y pisca”.

No ta existi pautanan estricto tocante e cantidad di productonan animal cu mester wordo consumi den e dieta flexitariano. E expertonan generalmente ta recomenda di centra e mayor di bo cuminda nan den alimentonan di origen vegetal, mientras cu ta trata e carni y lactos como un accento den un luga di e plato principal.

E flexitariano nan por opta pa come carni cora un of dos biaha pa siman, of rechasa e carni cora por completo y disfruta di pisca of avenan y webonan cu moderacion. E punto ta priorisa e alimentonan di origen vegetal tocante e alimentonan di origen animal, reduciendo e cantidad di carni y productonan lactos cu ta consumi en general y en cambio, centra mas den e calidad : come carni y productonan lactos di granja, organico y alimentonan cu pasto semper cu e ta posibel. Cualkier por beneficia di un dieta flexitariano, no solo esunnan cu presupuesto y acceso na e alimentonan aki.

No tur e dietanan vegetarianonan ta mescos, por supuesto y e expertonan generalmente ta recomenda concentra den alimentonan di origen vegetal integral den luga di sustitutonan di carni procesa ( manera algun di e hamburgernan vegetariano congela of a base di soya ) y snacks. Den otro palabranan, e alimentonan den su estado natural ta mas saludabel. Mientras ta pone menos ingrediente miho, den termino general.

Como regla general, e dietista y nutricionista regustra Scott Keatley CDN, ta bisa cu mester yena bo plato cu dobel di e cantidad di berduranan of frutanan por porcion di granonan integral, bonchinan/pinda/simia.

“E alimentonan altamente procesa como e buscuchinan, e caramelnan y e buscuchinan di salo por ta di origen vegetal, pero na menudo tin hopi calorianan y no ofrece hopi densidad di nutrientenan” Jaramillo a bisa.

Desbentaha di un dieta flexitariano

Un di e poco desbentahanan di sigui un dieta flexitariano saludabel ta cu probablemente lo bo mester dedica mas tempo na planifica, prepara y cushina bo cumindanan cu anticipacion, loke por parce un ahuste si bo ta custumbra di tuma loke sea cu ta conviniente

Tambe ta existi algun posibilidadnan deficiencianan nutricional. Por ehempel, dado na cu e calcio y vitamina B12 ta mas frecuente den e productonan di origen animal, e ta posibel cu lo mester busca un levadura nutricional fortifica, cereal of lechi sin lactos of tuma un suplemento, pa yena e bashi ey. Tene na cuenta cu e brocoli, e col, bok choy y bonchinan blanco ta fuentenan vegetal di calcio y webonan, e yoghurt, keshi y pisca por yuda alcansa su ingesto diario recomenda di vitamina B12.

Segun Keatley, cuanto mas estricto bo dieta ta a base di matanan, mas propeno e anemia door di deficiencia di hero. P’esey e ta importante incorpora cierto alimentonan rico den hero den su dieta, manera spinashi, lenteha y garbanso.

Pa hiba manera informacion privilegia

Un dieta flexitariano ta ofrece hopi di e mesun beneficionan cu un dieta vegetariano, semper cu por reduci significativamente e consumo di proteinanan animal.

Tambe e por ta un forma viabel di perde peso, semper cu ta concentra den come alimentonan integral di origen vegetal rico den fibra y densonan den nutrientenan, reduci e alimentonan hopi procesa y e alimentonan di sucu cu bo ta comiendo y crea un deficit di calorianan.

“E dieta flexitariano por ta hopi saludabel” Keatley ta bisa. “Pero mescos cu cualkier otro dieta, bo eleccionnan ta sigui ta importante”.