Comienso di aña pa hopi hende ta supone un oportunidad perfecto pa pone den balans e cosnan bon y malo y pa asina tuma e desafio hayando apoyo di lo cual e fechanan aki di fin di aña ta nifica.

Algun di e propositonan cu un porcentahe di kisas 20% ta esunnan clasico, cuminsa un dieta, inscribi na un gym of stop di huma, e aña cu recien a yega por constitui tambe un momento bon pa evalua y mehora otro asuntonan como salud di bida di pareha, cu a haya efecto di pandemia como restriccionnan social.

Pa esnan cu ta desea di probecha e aña cu recien a cuminsa pa mehora nan bida den pareha pa ta mas feliz, specialistanan a bisa cu comunicacion ta e base, esaki ta e elemento clave pa cu e proyecto di bida den comun cu un pareha tin lo renoba sin dificultad, psicologonan ta sugeri cinco punto basico pa probecha e propositonan di aña nobo, cuminsa examina y mehora nos educacion di comunicacion, papia den prome persona, no usa palabra “semper of nunca”, no supone loke e otro persona ta pensa, si no ta compronde algo, mag di puntra y di ultimo no laga cay e otro persona den un situacion dificil.

Un di e motibo di pakico parehanan ta bay na terapia ta pa erornan cu e pareha ta haci y cu facilmente tin solucion si nan ta consciente cu e otro persona ta compronde amor di un manera diferente, “si nos ta pone un tiki di empatia y nos ta compronde otro, nos lo por ta bon compañero di biahe” e buki Sexamor ta indica.

Expertonan ta defende cu aunke sexo por ta no ta e aspecto mas importante di e salud di e pareha, su relevancia ta importante pa motibo cu ta un medio di comunicacion sin palabra.

Awor, ta falta pone disposicion y boluntad pa recupera e intimidad y complicidad cu a ser perdi of lubida y haci e pregunta “¿bo ta conkista bo pareha tur dia?” y pa mucho fastioso cu esaki por ta specialistanan ta defende cu esaki ta un habito hopi senciyo pa recupera.

“Ta facil pa e rutina instala den boso bidanan intimo y compromisonan, stress of falta di tempo, pero tambe mester tuma responsabilidad riba bo sexualidad, no warda pa bo pareha sorpresa bo, ¿dicon bo no ta duna e prome paso?”

Pa via di Covid-19 medidanan sanitario a pone un restriccion den bida social di e personanan den pareha, e clave pa evita e sensacion di desconexion cu e pareha ta cu tin cu compronde e actividadnan cu entre dos por sigui disfruta, adaptando nan plannan na circunstancianan nobo pa cuida e vinculo, pa cuminsa e aña mas uni, specialistanan ta recomenda traha dia pa dia y probecha e tecnologia pa por sigui conecta.

“Si distancia ta impedi bo di algo asina importante como un brasa, nos por aplica imaginacion den momentonan intimo, purba experiencianan nobo como weganan sexual cu por libra boso di cay den monotonia sexual”, sexologo Ana Antelo ta bisa.

Algo importante pa destaca ta cu un elemento hopi dañino pa cualkier pareha ta acumula un discusion cu no a ser resolvi, den cualkier momento di e relacion esey ta bay sali na luz loke por trece rabia cune, ta hopi negativo no resolve e conflictonan ey.

Pa enfrenta experiencianan aki cu por resulta traumatico, tin e sensacion cu un di e dos lo ta e ganado y e tarea ta bira mas complica pa yega na un acuerdo satisfactorio pa ambos y ta facilita cu decisionnan por wordo tuma for di e molestia.

Hopi hende ta pensa robes ora nan tin basta aña cu otro y nan ta pensa cu nan ta conoce tur cos di otro, personanan ta cambia y esunnan cu ta biba cune mester adapta na e cambionan, tin cu puntra y scucha, ta mas empatico cu otro y kita e creencia cu pa via cu ta conoce e pareha pa hopi aña tin cu sa tur cos di su bida.

Ta normal pa haya parehanan cu semper ta purba busca un solucion na mita, igualdad di condicion no ta laga satisfecho ningun di dos banda y ta vital pa trata di acerca posicionnan, e clave ta pa identifica y expone cu kico pareha ta contento y na kico nan por renuncia.