E atake na e aeropuerto di Brussels a trece un debate na mesa pa discuti siguridad di aviacion y si control riba esaki mester bay mas profundo manera areanan publico y no solamente riba e ‘Departure Gates’.
E bombnan cu a explota na Brussels tabata hopi poderoso y nan tabata scondi den maleta. Nan a explota exactamente unda e departamento di ‘Check In’ ta caminda tur hende mester pasa un screening rigoroso pa siguridad di e vuelo.
Mientras pasaheronan ta moviendo rond completamente ocupa, e 3 teroristanan a pusha e garoshinan cu e maletanan sin cu ningun hende por a ripara. Un di e sospechoso ta conoci di ta un trahado di bomba pa ISIS cual tambe tabata envolvi den e caso di Paris.
Un di e preguntanan ta awo; Por a gara nan si e terminal tabata protehi pa un sistema di siguridad hopi mas amplio manera cu ta sosode na hopi aeropuerto den e Medio Oeste?
”E ta hopi straño cu solamente un parti di e aeropuerto ta protegi” , Matthew Finn, Director di Independent Aviation Security Consultants, Augmentiq. ”Seguramente henter e aeropuerto mester ta bon sigura for di e momento cu bo yega”
Por lesa mas aki: NBC NEWS
