E prome helicopter di NASA den Mars ta preparando pa bula na e shelonan marciano despues di e aterisahe exitoso di e Rover Perserverance riba diahuebs di siman pasa den e crater Jezero di planeta.

E ingenio ta actualmente uni na e bientre di rover y su mision tambe ta historico : e helicopter di 4 libranan intenta e prome vuelo controla pa motor den otro planeta.

Sin embargo, pa haci’e un exito, Perseverance lo tin cu tuma medidanan adicional pa prepara su mes prome cu e por embarca den e buskeda di un luga sigur pa e desplaga.

Durante e proximo luna of dos, e ingenieronan lo comproba e sistemanan e instrumentonan di rover prome cu e pro cuminsa e fase di prueba di vuelo.

E NASA a anuncia riba diabierna cu nan a ricibi su prome inform’e di estado di e helicopter, loke ta indica cu e ta funcionando manera e ta di spera.

Riba diasabra, e ekipo lo move pa alimenta su 6 baterianan di iones di litio aproximadamente e 30% di su capacidad total y aumenta gradualmente e carga di e fuente di alimentacion di rover semanalmente.

Despues cu Perseverance libera ingenio den e superficie, e helicopter lo wordo carga unicamente cu su propio panel solar.

E ingenio tin un bentana di un luna pa hasta 5 vuelonan di prueba, pero e no lo ta un proceso facil.

Mars tin anochinan cu temperaturanan friu manera menos 130 grado F y e planeta tin un atmosfera raro cu ta aproximadamente e 1% di densidad di atmosfera di e planeta, aunk e gravedad di planeta lo por impulsa e helicopternan.

Una bes cu Perserverance ta localisa un sitio pa desplega Ingeniuty, Mars Helicopter Delivery System di rover lo kita e cubierto di aterisahe y lo lag’e cay suavemente.

“Percy”Tambe lo yuda NASA na comunica cu Ingenuity, cu lo tuma hopi di su propio decisionnan debi na e retrasonan den e comunicacion interplanetario, utilisando parametronan programa estableci pa ingenieronan.

Por ehempel, Ingenuity tin un thermostaat pa yuda mantene e cayente, asina manera e capacidad di analisa y detecta e datonan e imagennan di tereno di e planeta, manera e Nabegacion Relativo di Terreno di Perseverance.

Segun NASA, un despege y un vuelo estacionario victorioso lo cumpli e 90% di e obhetivonan di proyecto di ekipo.

“Nos ta den un teritorio desconoci, pero e ekipo aki ta custumbra na esey” Mimi Aunga a bisa, gerente di proyectonan di ingenio di e Laboratorio di Propulsión na Chorro. “Casi cada hito desde kinan hasta e final di nos programa di demostracion di vuelo lo ta e prome y cada un mester tene exito pa nos por pasa lo siguiente. Nos lo disfruta di e bon noticia aki por el momento, pero despues no mester a bay back ne trabou”.