Awendia casi nada no ta por nada mas, por mira aki un carta unda Aruparking ta cobrando gobierno pa e 9 dianan cu gobierno a duna comunidad parkeer gratis den Oranjestad na december. Kiermen e propagandanan pa parkeer gratis tabata pa hala hende su atencion pa haci compras, pero cu ta saca esey bek for di nan cartera.
E carta di cobransa di Aruparking na gobierno ta 75,492 florin. Segun Teo Croes director di Arubus /Aruparking un calculacion di e placa genera pa dia cu Aruparking conoce cual ta 8388 florin pa dia. E director a splica cu e carta ta simplemente unda cu nan ta cumpli cu locual a wordo palabra caba cu gobierno pa loke ta e dianan di fiesta. Pues pa parkeer gratis e tanto dianan y cu gobierno ta duna nan e placa aki bek. A mustra Sr. Croes riba e echo cu esaki e ora realmente no ta gratis como cu ta comunidad mes ta duna gobierno placa. El a bisa cu esey ta un pregunta cu lo mester dirigi na minister pasobra Aruparking ta solamente cumpliendo cu acuerdo di pago haci. Bon Dia Aruba a purba haya reaccion di minister encarga cu transporte OtmarOduber den e caso aki mirando cu a propaganda e parkeer como gratis mientras cu realmente e no ta gratis, sinembargo e mandatario no a reacciona ainda.
