Autoridad ta bisa cu John T. Earnest, di 19 aña di edad, a cuminsa tira ora cu 100 persona tabata den misa. Esaki ta sosode 6 luna despues di tiramento na sinagoga di Pittsburgh.
Tambe autoridadnan ta bisa cu e sospechoso no tin ningun contacto cu polis ,y por enfrenta cargo pa delito di odio y di homicidio ora cu wordo procesa mas laat e siman aki. Autoridadnan a listra e cas di e sospechoso y tambe ta investigando si e ta relaciona cu atake na California dia 24 di maart.
Grupo di muchanan tabata yora di miedo. Noya Dahan di 8 aña ta splica cu el a caba di haci oracion, anto el a bay hunga cu otro muchanan, ora cu e tiramento a cuminsa. Su omo a wanta su man hunto cu otro muchanan, pa hiba nan pafo pa asina ta sigur.
“Nos ta un nacion Hudiu, cu la lanta stret, nos no lo laga ningun hende pone nos abou. Terorismo manera esaki no lo pone nos abou”, Rabbi Yoshoel Goldstein a bisa. Goldstein a papia di Kaye, un fundado di e congregacion cu a fayece.
El a continua bisa cu e atake por a herida mas hende. “Kaye a tuma e bala pa nos tur, e no tabata merece muri”, e ta bisa. E casa di sra. Kaye a cay abou ora cu el a ricibi e noticia cu su casa a fayece.
Nan ta describi Kaye manera un persona atento, caluroso cu e comunidad y miembro. Un mama y casa. “Nos tur ta ser humano, no ta importa si ta Hudiu, Cristian of Musulman. Locual a pasa cu nos, a pasa cu nos tur”, Goldstein a bisa.
