Ayera e pueblo Dominicano a conmemora e di 208 aniversario di e natalicio di nan heroe di independencia Juan Pablo Duarte.
E aña aki nan a realisa un acto senciyo di ponemento di ofrenda floral dilanti e plasa Juan Pablo Duarte na haltura di hospital bieu cu a conta cu presencia di representantenan di e consulado Dominicano na Aruba, miembronan di directiva di fundacion Dominicana Arubanse Juan Pablo Duarte, grupo folklorico cultural Dominicano y grupo di bombero boluntario di Playa y un grupo masha limita di persona.
El a bisa cu apesar di e pandemia e comunidad Dominicano ta expresa su patriotismo den cuadro di natalicio di Juan Pablo Duarte. Principalmente nan ta haci uzo di nan simbolo patrio of bandera, cuminsando for di ayera te dia 27 di februari pa asina duna contenido na loke nan ta considera e luna di nan patria. Como pre inicio di nan celebracionnan nacional, nan a celebra dia nan patrona of Birgen di Altagracia dia 21 di januari ultimo. Nan a tene un celebracion religioso den Pro Catedral San Francisco na Playa.
Tavarez a probecha e ocasion aki di e natalicio di e tata fundado di Republica Dominicana como un nacion liber y independiente di cualkier potencia stranhero pa manifesta u solidaridad cu henter pueblo di Aruba cu a celebra Dia di Betico.
Tambe el a bisa cu den e fecha historico aki mundo ta confronta e menasa di un pandemia. El a manda su mensahe pa tur hende tene cuenta cu e reglanan di DVG, y asina protege bo mes y protege otro hende. El a bisa cu na Republica Dominicana e tema di e Covid-19 ta mas controla cu antes. Nan a bin cu medidanan manera toque de queda; y tambe nan ta getest mas hende.
