Resultado di e competencianan di San Nicolas Dam Club a yega na un final hopi satisfactorio, caminda cu tur e ganadonan a ricibi nan regalonan.
Den e seccion di 10 pa 20 aña, e premio grandi pa e anochi ey tabata un bicicleta cu a ser gana pa Obi Tromp biba na Paradera di 14 aña.
El a yega hunga tur su weganan, gana tur, sali invicto cu 18 punto.
Segundo luga ta bay pa Ferdion Lacle cu 14 punto.
Na di tres luga ta Jordell Doyley cu 13 punto.
Y ta asina nos ta mira cu otro aña Obi Tromp no por participa den categoria di 10 pa 20.
E tambe ta bay purba den e seccion di amateurnan.
Y tambe e campeonato cu a wordo organisa pa tur e muchanan cu a yega di gana baiskel caba den pasado tambe a haya un chens di competi cu e grandinan amateurnan.
Ta asina cu nan mes por cuminsa sinti kico mas nan falta.
18 hungado a wordo inscribi caminda 6 a presenta cu toch a pone tur hende riba pia cu ta ken ta bay gana e competencia.
E tabata full un siman di suspenso, caminda 3 a cay afo.
A sigi Angel Luis Suarez, Alan Pitre Suarez y Luis Peterson.
Akinan ta tur e parti grandi di e anochi ey, tur 3 ta empata cu otro.
Den e di dos buelta bo ta mira cu e 2 rumannan a empata cu otro despues Alan cu Luis Peterson a bataya cu otro y a empata.
Allan y Luis Peterson a bataya contra otro y Luis Peterson a gana, saliendo campeon number 1.
Na di 2 luga a keda Angel Luis Suarez.
Na di 3 luga a keda Allan Pitre Suarez.
Directiva di San Nicolas Dam Club ta pidi un danki na tur e sponsornan cu ta yuda nos den e programa.
Aki tambe na IBISA Sport Centrum San Nicolas, referee Mario Jansen, na tur e mirones cu a sigui tur e weganan, un danki di curason.
Directiva di San Nicolas Dam Club ta desea tur hende un bon Pasco y un bon aña nobo!
Nos lo anuncia despues di momito ki dia les di dam ta cuminsa.
