(AP) – Un hues na California a declara na fabor di fabricante di medicina den medio di gobiernonan local su esfuerso di pidi biyones di dollar pa cubri e gastonan di e epidemia nacional di opioide.

Orange county su hues di Corte Supremo Peter Wilson a dicta un declaracion tentativo riba dialuna cu ta bisa cu gobiernonan local te ainda no a comproba cu e companianan aki di farmaceutico a usa promocion engañoso pa aumenta e receta innecesario di opioide y crea problema publico.

“Simplemente no tin suficiente evidencia pa demostra cu e aumento den receta di opioide no tabata resultado di e provision medicamente apropia di medicina pa dolor duna na pashentnan cu tabatin mester di esaki,” Wilson a skirbi den un declaracion di mas di 40 pagina.

“Cualkier tipo di consecuencia cu a sali of ser causa pa receta apropia medico no por constitui como un daño publico,” e declaracion a bisa.

Los Angeles, ORange y Santa Clara Counties y e ciudad di Oakland a argumenta cu e companian aki di farmaceutico a manipula dokternan y pashentnan pa medio di no splica claramente e riesgonan di adiccion, sobredosis, morto y otro complicacionnan di salud mientras cu nan tabata elogia e beneficio pa e condicionnan di salud pa termino largo.

E resultado a desapunta e personanan cu a acusa e companianan, pero a expresa plan di apela pa “sigura cu ningun fabricante di opioide por eherce practicanan den nan corporacion cu ta compromete e salud publico pa nan propio beneficio y ganashi.”

E demanda ta nombra Johnson & Johnson, AbbVie Inc su subsidiario di alergia Endo Internacional, Teva PHarmaceutical Industries entre hopi mas.

E companianan a argumenta den documentonan di corte cu “e medicamenonan di opioide ta un tratamento apropia pa hopi pashentnan di dolor crhonico” y cu hopi di nan promocion tabata informa tocante advertencianan haci pa Merca su Food and Drug Administration.

Historicamente, e hurisdiccion local ta bisa, cu e medicamentonan poderoso aki a ser usa solamente inmediatamente despues di operacion of otro problema di dolor pa termino cortico, of pa pashentnan di cancer.

E fabricantennan “exitosamente a transforma e manera cu dokternan ta trata dolor, habriendo e caminda pa uso y receta di opioide,” e demanda a bisa. “E explosion aki den receta di uso di opioide y e uso di e opioide a aumenta e ganashi di e acusadonan na costo di pashntnan di dolor cronico.”

E gobierno federal a bisa cu casi mita miyon Mericano a fayece pa causa di abuso di opioide desde aña 2001.

Ambos partido di e demanda a admiti cu tin un epidemia di abuso di opioide.

Wilson a bisa cu e hospitalisacion pa causa di abuso di droga y mortonan di sobredosis “ta demostra e problema enorme cu ta tumando luga”

Den un declaracion, Johnson & Johnson a bisa cu e “crisis ta un problema compleho di slaud publico,” pero e decision a demostra cu e compania a eherce su trabao den un manera “apropia y responsabel” na momento di promociona e pildonan pa dolor.

Endo Internacional a bisa cu e decision tabata “tuma cu hopi cautela y reviso” despues di luna largo di testimonio y e compania su “conducta conforme na ley no a causa e problema cu ta enfrenta actualmente” den e demanda.

Teva a bisa cu e tabata conforme cu e declaracion” pero un victoria cla pa hopi di e pashentnan na Merca cu ta sufri di adiccion na opioide lo solamente bin ora cu acuerdonan comprensivo keda finalisa y finalmente haci recursonan disponibel pa tur e personanan cu tin mester di esaki.”

E acusantenan a proyecta cu basa na estimacion di experto, e lo costa 50 biyon dollar pa provee programanan efectivo pa opioide den e 4 hurisdiccion cu a entrega e demanda. E placa lo ser inverti den proyectonan manera prevencion di abuso di opioide, y tratamento den Los Angeles y Santa Clara.