Siman pasa, riba rednan social di minister di Medio Ambiente, Ursell Arends, a publica un video na unda a mustra con un truck di un compania di chica pos tabata tira awa sushi den un dam, algo cu pa ley ta prohibi y ademas minister a sigura cu e compania di chica pos por perde su permiso.

Mediante un publicacion, e minister a señala cu “Accion cu Bureau City Inspector unda a haya un truck di pos tirando awa sushi cu segun e imagennan cu nos tin ta terminando den un dam cerca na Sabanilla Abou. Ta importante pa remarca cu RWZI Zeewijk ta tumando awa sushi, mientras ta manteniendo esun na Parkietenbos y mescos cu Parkietenbos, no tin niun costo pa procesa e awa cu abo como negoshante ta trece pa procesa. Asina ta haci lo corecto y hiba esaki na RWZI Zeewijk.”

Nan a informa cu a yama Polis pa atende e caso aki pa motibo cu e chauffeur di e truck no tabatin identificacion y por ta posibel cu ta un persona indocumenta.

Tambe minister Arends a sigura cu esaki ta contra ley segun articulo number 55 di Algemene politieverordening, e cual ta indica cu:
 1. Het is verboden afval, enig voorwerp of enige stof te plaat- sen, te storten, te werpen, uit te gieten, te laten lopen of vallen, of te houden, anders dan:

a. op een daartoe door de minister van Publieke Werken en Volksgezond- heid aangewezen stortplaats;

b. op of aan de openbare weg gedurende een periode van ten hoogste 12 uren, voordat de vuilnisophaaldienst het normaliter ophaalt;

c. in daartoe aangebrachte of geplaatste afvalbakken of dergelijke voorwerpen.

2. Indien op of aan de openbare weg afvalbakken of dergelijke voorwerpen zijn aangebracht of geplaatst, is het verboden deze voor een ander doel te gebruiken dan voor het daarin deponeren van klein- afval of kleine gebruiksvoorwerpen.

Minister Arends den conferencia di prensa di dialuna ultimo a splica cu awa di pos no ta un awa cu ta procesa y ta afecta e producto cu e productor ta bay crea y bende riba mercado tambe “ta importante pa nos atende cu esaki y p’esey nos ta trahando riba e Good Agriculture Practices (GAP) pa asina ey establece standard pa tur agricultor mester mantene na dje, incluyendo e calidad di awa.”

Pa loke ta trata companianan cu tin servicio di chica pos cu ta deposita nan awa sushi den naturalesa, el a señala cu na DOW tin un total di 73 truck registra cu tabata hiba nan awa pa RWZI di Parkietenbos, pero desde dia cu Parkietenbos a cera, tin un total di 48 compania cu ta hibando e awa aki na RWZI Zeewijk.

Pa e motibo ey, minister Arends a informa cu nan a intensifica e control cu Bureau City Inspector (BCI) y Directie Natuur en Milieu Aruba (DNM) pa deal cu e situacion aki mirando cu esaki “ta algo cu no ta tolerabel.”

Pa e control ey, minister Arends a specifica cu nan ta haci uso di tecnologia pa haya precisamente na cua ta e areanan cu e trucknan aki ta bay “y mi mester bisa cu desde e dia ey comunidad tambe ta mas alerta, a traves di e plataforma FIXI ta drenta mas informacion cu trucknan ta ser gara den barionan, ta depositando awa y e departamentonan concerni ta ricibi esaki y ta zorg pa atende cu e situacion.”

E procedura ta cu DNM ta duna e truck un process verbal y esey ta ser manda pa Ministerio Publico, pero nan ta trahando cu loke ta tur e overtreding di Naturalesa como por ehemplo, tira sushi den mondi, pero tambe esun di Ley di Cacho y esun di e tipo aki, lo bay tin un bestuur rechtele aanpak cu ta formalisando e richtlijnen den conversacion cu Ministerio Publico mes, e cual a indica contact cu e persona cu a traha riba e ley pa e tipo di solucionnan aki pa otro islanan den Reino y nan ta finalisando esey pa den poco tempo lo tin un richtlijnen y e ora ey, no lo mester bay Ministerio Publico mas sino cu esnan cu lo haya multa lo mester paga esey cerca un di e departamentonan concerni caminda cu esey lo ser atendi mesora segun minister Arends a declara.

Richtlijnen pa cada sancion lo ser publica den futuro y despues e multanan lo ser duna na esnan cu lo comete un sancion.

“lastimamente, como minister mi mester bisa cu nos ta un pais civilisa y desaroya cu nos no mester yega akinan pero e ta toca nos pa yega aki pa nos cuminsa duna boet y esnan cu no kier siña, lo mester siña den un mal forma e ora.” El a bisa.

E companianan di chica awa di pos cu ta tira awa sushi den dam ta core riesgo di perde nan permiso y esey ta den legislacion caba.

Sinembargo, tin damnan cu ta seco na e momentonan aki y segun Santa Rosa a splica, nan a cuminsa haci limpi.

A informa tambe cu esun cu tin awa ainda ta Noord, Rooi Afo y Hooiberg “si no lo yobe, nos no por yuda cu awa, e meter di awa di WEB so ta un alternativa y awa di airco pa esnan cu ta colecta awa.”

Damnan ta algo importante pa asina por colecta awa y recicla di un manera responsabel, “si ta awa di laundry of awa di RWZI, e ta menos peligroso. Pero e solo ta yuda hopi pasobra si e dam ta seco e ta yuda mata e microbionan. E peliger ta ora tin awa y ta basha awa septico pa e peliger pa Ecoli. Dus, si basha awa septico, e ta contamina e awa den e dam,” Nathalie Maduro director di Santa Rosa a splica.