Mas compania Britanico ta mudando pa Hulanda awor cu salida di Inglatera for di Union Europeo (Brexit) ta cerca.
E fecha ta fin di october. Esaki ta positivo considerando e perspectivanan economico desfaborabel di Brexit pa Hulanda. Den 2017 un cantidad di 18 compania a muda pa Hulanda for di Inglatera, fin di 2018 tabata 60 compania y e aña aki ta casi 100. Den 2018, un total di 372 compania a establece na Hulanda. Brexit lo percura pa un crecemento substancial.
Hulanda no ta unico pais caminda companianan Britanico ta establece pa motibo di Brexit. Otro paisnan popular ta Irlanda, Alemania, Francia y Luxemburgo. Hulanda ta popular den sector di salubridad, industria creativo, servicio financiero y logistica.
E companianan nobo ta crea mas trabou na Hulanda. Un ehempel ta e compania Britanico Vitesse PSP, cu ta haci pago pa companianan grandi. Nan ta perde e licencia ora Inglatera sali for di Union Europeo. Special pa esaki, nan a establece den Rotterdam. Hulandesnan ta papia Ingles bon, Hulanda ta un pais internacionalmente dirigi riba mercado financiero fuerte.
E prome 60 paisnan cu a muda pa Hulanda pa motibo di Brexit a genera 2500 cupo di trabou, segun Foreign Investment Agency. Ainda mester calcula e cantidad di cuponan di trabou pa e sobra 40 compania.
Pero di otro banda, Brexit no ta bon noticia pa Hulanda. Si Inglatera sali for di Union Europeo sin acuerdo, esaki lo costa Hulanda mas di 2 biyon euro, pasobra Hulanda ta haci hopi negoshi cu Inglatera.
