(AP) – Take-Two Interactive, ken ta e trahadonan di “Grand Theft Auto” y “Red Dead Redemption,” lo cumpra Zynga, trahdo di “FarmVille” y “Words With Friends,” den un trato yama ‘cash-and-stock’ balorisa na mas o menos 12.7 biyon dollar.
E adkisicion anuncia dialuna lo crea un gigante den weganan, Take-Two, cu un compania di weganan mobil cu fanaticonan practicamente apoyando e compania como un secta.
Personanan cu tin bienes na Zynga lo ricibi 3.50 dollar den placa cash y 6.36 miyon den bienes di Take-Two pa cada bienes cu nan tin di Zyga. E transaccion ta balorisa na 9.86 pa cada persona cu tin bienes den Zynga.
“E combinacion strategico aki ta crea un franquisia di gran clase, cu un lider den mercado, y plataforma cu un gran historia di innovacion y creatividad,” Take-Two su president y CEO Strauss Zelnick a bisa den un declaracion prepara. E lo permanece den e rol aki na momento cu e dos companianan bira uno.
Take-Two ta anticipa cu e trato aki lo yuda crea versionnan nobo y pa dispositivo mobil di nan weganan pa uso riba computer.
Take-Two a declara dialuna cu nan ta anticipa cu nan lo spaar aproximadamente 100 miyon dollar den costo durante di e prome dos añanan despues cu e transaccion ser completa.
Zynga su CEO Frank Gibeau y su president di publicacion, Bernard Kim lo ta encarga cu integracion y operacionnan diario di e compania combina Zynga y T2 Mobile Games, cual lo opera bao di e marca di Zynga como su propio compania Take-Two.
E transacion ta inclui provision di go=shop, cual ta duna Zynga 45 dia pa tende proposicionnan alternativo.
E trato ta premira di cera durante e prome cuartal, cual lo caba dia 30 di juni. Te ainda e mester ser aproba pa ambos miembronan administrativo di Take-Two y zynga. El a ricibi aprovacion di ambos compania su cabesantenan.
