(TheDailyHerald) – Silver Peak Production, basa na Utah, Merca, actualmente ta na Sint Maarten pa filma un pelicula di romance yama ‘The Beauty and the Billionaire’, un interpretacion di e pelicula ‘Beauty and the Beast’.
E compania di produccion ta na e isla desde dia 6 di december.
Silver Peak ta bay ta filmando durante un periodo di dos siman na varios sitio, un di cual tabata un escena extenso na Oh My Goddess! Ladies’ Boutique riba Old Street na Philipsburg. Tambe a filma varios otro escena na e historico Old Street, colorido cu su bandera di leon y iconico auto geel.
Otro sitionan riba e banda Hulandes di e isla ta bay inclui e campo di golf na Mullet Bay, Maho Beach y Indigo Bay Restuarant, y tambe ta bay filma na e parti Frances di Sint Martin.
Silver Peak a bisa cu nan a scoge e isla pasobra e ta tanto turista- como business-friendly, y tabata mas accesible durante Covid-19 cu otro islanan.
E pelicula lo mester keda cla y disponible pa mira aki cinco luna.
