(nltimes.nl) – Compania estatal di Rusia, Rosatom, ta usa un subsidiario Hulandes pa move centenares di miyones di euro den ganashi, NOS a reporta basa riba e rapport anual recientemente publica di Uranium One Coöperatief, un subsidiario basa na Amsterdam.
Europa y otro estadonan Occidental ta depende di e sector di uranio Ruso y no a durf di pone sancion riba Rosatom pa awor. E compania aki ta un productor grandi di uranio enkrikeci, cu tin un 35% di e mercado mundial, y energia nuclear. E ta hunga tambe un rol den e guera na Ucrania pa maneha e planta di energia nuclear captura na Zaporizhia.
A traves di su subsidiario Hulandes, Rosatom ta saca materia prima nuclear na Kazakstán y Tanzania. E ganashi di e paisnan aki ta bay Hulanda prome cu nan wordo dirigi pa Rusia. Den 2022, e compania Hulandes a logra un ganashi di 240.6 miyon dollar of 222 miyon euro. Decenas di miyones di esey a wordo transferi pa e compania madre na Rusia.
“Rusia ta un hungador grandi den e sector nuclear,” un vocero di Urenco, un compania basa na Almelo cu ta activo den enrikecemento di uranio, a bisa NOS. “Nos ta wak un movecion di companianan Hulandes cu no kier haci negoshi cu Rusia mas despues di e invasion Ruso na Ucrania. Esaki a crea un aumento den e demanda pa enrikecementodi uranio na Urenco, por ehempel.”
Pero reemplasa e parti Ruso di e cadena completamente ainda no ta posibel. Por ehempel, Rusia ta e unico opcion pa recicla uranio usa. E plantanan di energia Sovietico na Republica Checo, Slovakia, Bulgaria, Hungria y Finlandia tambe ta dependiente di e baranan di combustibel Ruso.
Segun investigacion di e organisacion ambiental Noruego Bellona, importacion Europeo di combustibel nuclear di Rusia a aumenta dobel aña pasa. Uranio Ruso ta sigui drenta Hulanda. Por ehempel, na februari, e Autoridad Hulandes pa Seguridad Nuclear y Proteccion di Radiacion (ANVS) a otorga varios permiso pa importacion di uranio nuclear recicla Ruso destina pa Urenco na Almelo.
