(NLTimes) – Compania di vivienda Change a eroneamente cobra mas di 1 miyon den costo di servicio na huurdonan den Amsterdam, cu monto di te hasta 900 euro pa persona den e tarifanan aki, segun BNNVARA. E cifranan aki a ser publica den un declaracion di Amsterdam su Stichting Woon tocante e compania su localidad na Amsterdam-Zuidoost.
E proveedor di vivienda pa hubentud cu ta traha ya caba a ricibi zundra di e hues di districto aña pasa ora cu el a purba colecta “costo di comunidad” for di su huurdonan conhuntamente cu costonan di servicio. Na final, Change= a combina e tarifanan aki cu e costo di servicio, cual a haci esaki tres biaha mas halto. Aunke e huurdonan ta paga prijs di huur social den teoria, e costonan adicional aki ta haci cu nan pago en general ta hopi mas halto cu lo normal.
“E tabata hopi cla den e declaracion di e localidad aki cu e huurdonan mester paga demasiado, entre otro cosnan, internet, persona pa cuida y inventario,” Tjerk Dalhuissen, vocero di Stichting Woon a expresa na BNNVARA. “Cualkier persona cu tin un contract temporario y no paga esaki, tin e riesgo di perde nan vivienda.”
Huurdonan tambe a conta BNNVARA cu Change= ta encurasha un miedo den e comunidad pa medio di spionahe. Por ehempel, un huurdo cu no a paga e costonan di servicio, y a publica un comentario negativo tocante esaki riba Facebook, a ser notifica via un yamada di un empleado cu “e no ta forma parti di e comunidad di Change=” y tabatin te cu dia 1 di mei pa sali for di e vivienda. Un empleado di Change= aparentemente a yama un otro huurdo un “prostituta” despues cu el a sunchi cu su pareha den e gang di e edificio, cual a ser mira via e camaranan den e hang.
Un subsidio di 250,000 euro a ser duna na Change= pa su vivienda pa hubentud na Amsterdam. E municipalidad di Utrecht unda cu recientemente Change= a habri un localidad, ta tumando nota y purbando di yega na acuerdonan mas estricto riba costo di servicio na e viviendanan social aki. E proveedor di vivienda tambe tin plan di pronto habri un localidad na Enschede, cual tambe ta al tanto di e situacion na Amsterdam. Ambos muncipalidad a bisa cu no por genera ningun tipo di ganashi di costonan di servicio.
Varios huurdo a perde nan contract pa motibo cu nan no a paga e tarifa aki of a papia en contra di e prijsnan. Woonbond ta pushando pa reduci dramaticamente e contractnan temporario di huur, pa causa di e proteccion limita cu e tipo di contract aki ta duna e huurdonan. “Nos ta ricibi demasiado di e reportahenan aki,” vocero MArcel Trip di Woonbond a comenta.
Change= tambe tin un localidad na Amsterdam Nieuw-West, unda proceduranan ta tumando luga. E compania ta nenga e cultura di miedo di cual e huurdonan ta papia, y cu e compania a kibra contractnan temporario como vengansa contra e huurdonan.
