Den era di coronavirus, mondkapje a bira un parti di bida normal. Nan ta un rekisito di siguridad na varios luga, y pa algun persona, un moda. Pero pa tecnologia di reconocemento di cara, nan ta un reto mayor.
CDC di Merca a recomenda pa tapa cara pa evita transmision di COVID-19, e malesa causa pa coronavirus cu a mata mas di 302,000 persona rond mundo. Y gobiernonan den mas di mita di estadonan Mericano ta haciendo mascara obligatorio den varios sitio publico.
Pero si bo bisti e mondkapje y mira bo telefon pa unlock e, rapidamente bo lo mira e problema pa reconocemento di cara.
Prome cu e novel coronavirus a yega, proveedornan di reconocemento di cara tabata spera di instala nan tecnologia tur caminda: aeropuerto, casino, restaurant y scol. Mondkapje ta menasa pa cambia tur esaki, pero e industria ta mirando e situacion mas como un obstaculo chikito. Algun compania ta bisa cu nan tecnologia no ta afecta pa mondkapje, y cu inteligencia artificial (AI) por sigui detecta y identifica hende cu un precision halto, hasta ora mita di nan cara ta tapa.
Un programa beta publico pa e lansamento mas recien di iOS di Apple a mustra cu e gigante tecnologico ta actualisando Face ID pa tene cuenta cu hende bistiendo mondkapje. Google no a contesta si Android ta haciendo igual.
Expertonan di reconocemento di cara ta skeptico cu e tecnologia no ta afecta pa mondkapje. Esaki ya cu hasta si mondkapke, e tecnologia por faya. Estudionan a haya cu mayoria di aligoritmo tabatin un incidencia mas halto di positivo falso pa hende color scur cu un factor di ‘10 di cada 100 biaha’.
Y pa motibo di e pandemia, no por test e aligoritmonan cu mondmask via e National Institute of Standards and Technology. NIST, cu hopi ta considera e autoridad lider riba precision di reconocemento di cara.
Sinembargo, reconocemento di cara ta siendo proponi como un solucion pa COVID-19, sin prueba cu e medida di vigilancia tin algun beneficio, of hasta si ta traha cu mondkapje bisti.
Identificabel
Pa largo a usa mondkapje pa evita reconocemento di cara. Manifestantenan na Hong Kong a depende riba nan pa vence reconocemento di cara di gobierno, impulsando un prohibicion riba mondkapje eynan.
“E cantidad mas grandi di data biometrico cu ta separa nos unicamente ta den e porcion central di e cara, net ariba di e linea di wenkbrauw te memey di e cachete”, segun Eric Hess, director senior di product management pa reconocemento facial na compania SAFR. “Ora nos bisti mondkapje, nos ta blokea acceso na un cantidad significante di puntonan di data cu ta yuda diferencia nos di un otro persona.”
Pero algun compania ta insisti cu nan tecnologia por identifica a traves di mondkapje.
Facewatch basa na Reino Uni ta lansando un aligoritmo cu por maneha deteccion y identificacion di un persona basa unicamente riba region di wowo y wenkbrauw di un persona. E compania ta proponiendo su tecnologia pa tienda di retail (pa identifica ladron) y ta bisa cu e desaroyo lo extende mas leu cu mascara na otro forma di tapa, manera niqab, bisti pa algun muhe musulman.
Vocero di Facewatch, Stuart Greenfield, a bisa cu e aligoritmo lo por identifica persona pasobra nan wowo y wenkbrauw ta puntonan fiho riba cara cu no ta cambia a traves di tempo. Toch, Facewatch ta spera lo tin contratempo pa motibo di mondkapje. Su aligoritmo tipicamente ta identifica un persona den mita di seconde, y Greenfield a bisa cu lo por dura mas largo pa motibo di mondkapje. Pero e compania ta trahando pa haci e aligoritmo nobo mas efectivo.
SAFR, cu ta promove su tecnologia pa uso na scol, tambe ta bisa cu su herment por maneha mondkapje. Hess ta bisa cu a train e aligoritmonan cu imagen di hende cu mondkapje bisti desde e pandemia, como cu nan a bira mas comun. E precision di e hermentnan ta 93.5% ora hende ta bisti mondkapje, Hess a bisa, pero unicamente den condicionnan ideal, manera ora e suheto ta den imagen di calidad halto cu luz adecua.
Skepticismo
No ta cla con berdadero e declaracionnan aki tocante reconocemento di cara evitando mondkapje ta. Y lo dura algun tempo prome cu haya respuesta definitivo. Dia 1 di mei, NIST a anuncia cu lo tene test pa identifica con precies reconocemento di cara ta cu hende cu tin mondkapje bisti, door di agrega mondkapje digitalmente na su database di potret existente. Pero test ta cera pa motibo di e pandemia, y no tin indicacion na ki momento lo cuminsa. Sin test, no tin forma pa compara efectivamente e resultadonan.
