(AP) – Croacia su trahador di auto electrico, cual a cuminsa den un garashi casi un decada atras, ta tumando over e fabricante Frances iconico Bugatti, den un trato cu ta reporta di tin un balor di miyones di euro.
E fabricante di auto di Croacia Riman Automobili a bisa Alemania su Volkswagen Group, incluyendo e division di Porsche, cual ta doño mayoritario di bienes den Bugatti, cu e tin plan di crea un negoshi nobo. E compania nobo lo tin e nomber di Bugatti-Rimac.
Rimac Automobili a anuncia riba dialuna cu e lo ta combinando cu Bugatti “pa crea un automobil nobo cu lo ta un forsa nobo tecnologico”
Rimac a progresa den 10 aña di ta un compania di un hende den un garashi na un compania exitoso cu ta produci superauto electrico. Mate Rimac, ken a funda e compania den aña 2009, a bisa cu e aventura ki ta “un momento excitante” y ta yama e combinacion di e dos companianan “un pareha traha perfectamente pa otro.”
Porsche lo keda doño di 45% di Bugatti-Rimac, mientras cu Rimac Automobili lo mantene e 55% restante, segun reportahenan di medionan na Croacia. Detayenan financiero di e trato no a ser revela.
Autonan Bugatti lo sigui cu nan produccion na Fransia, unda cu e compania a se establesi den aña 1909. E vehiculonan lo usa motornan cu a ser desaroya y traha na Croacia.
“Den un industria cu ta creciendo asina lihe, flexibilidad, inovacion y sostenibilidad ta keda e punto fuerte y base di e operacionnan di Rimac” e compania a declara. “Uniendo Rimac su experiencia tecnico y e operacionnan sublime di Bugatti su herencia di 110 aña di diseño y poder den ingenieria ta representa un union den mentenan cu lo ta lider den automobil.”
