Recientemente, Comite pa Relacionnan di Reino di Parlamento Hulandes a expresa su intencion pa organisa un bishita di trabao na Aruba, hunto cu Corsou y Bonaire. E biahe tabata planea originalmente pa comienso di januari, pero a keda cancela despues cu a cancela e Consulta Interparlamentario di Reino (IpKo) na Aruba.
E Comite tambe a considera pa tene e edicion di berano di IpKo na Bonaire, segun un articulo di CuraçaoChronicle, loke lo permiti pa combina e bishita na e tres isla hunto cu e evento. Sinembargo, na final a dicidi di tene e IpKo di 19 pa 21 di juni na Den Haag.
Un fecha nobo pa e bishita aki ainda mester keda determina. Anteriormente e aña aki, e comite a haci un bishita di introduccion na Sint Maarten, Sint Eustatius y Saba.
E proximo bishita tin meta pa reforsa relacionnan y mehora colaboracion entre Hulanda e islanan di Caribe dentro di Reino. Ta spera cu pronto ta bay anuncia mas detaye y agenda di e biahe, segun CuraçaoChronicle.
