Recientemente, Comision di SDG di Aruba a invita “partnernan di SDG” pa celebra e di ocho cumpleaños di e Metanan di Desaroyo Sostenible (SDGs).
E carta ta nota cu tin apenas siete aña pa bay te cu 2030, e aña cu esencialmente ta marca e punto medio di e agenda SDG. “Mientras nos ta drenta e di dos mita di e cronograma, e urgencia pa accion unifica ta mas grandi cu nunca ya cu mayoria di e 17 meta ainda ta parce dificil pa alcansa,” e carta ta nota.
E carta ta haci un invitacion “pa conscientisa y inspira tur sector di sociedad pa participa den crea un Aruba mas sostenible” door di celebra y conmemora kico e SDGnan ta nifica pa Aruba y pa demostra compromiso y logro den avansa e agenda di sostenibilidad den sociedad.
Tambe ta indica e intencion pa conmemora e ocasion door di un accion di hisamento di bandera, pa cual ta solicita pa negoshi y edificio hisa e bandera internacional di SDG riba dialuna, dia 25 di september.
Ministerio di Asunto Exterior di Hulanda tambe a invita e comision pa manda video cortico di e dia di bandera SDG pa asina haci un colaboracion pa un Pelicula di Celebracion Global di SDG pa Reino Hulandes.
Igualmente, ta curasha cualkier participacion adicional na september. “Sin importa con chikito e por parce, un compromiso pa e Metanan di Desaroyo Sostenible ta cuminsa cu un simiya chikito cu ta crece den bo mes, bo organisacion y comunidad henter.”
Mientras tanto, tin tiki informacion di e avancenan relaciona cu e SDGnan na Aruba.
