(ElNacional) – E organisacion di Estadonan Americano (OEA) a aproba ayera den un sesion extraordinario tocante e ultimo acontecimentonan na Venezuela, un resolucion den cual ta exhorta Venezuela pa reconsidera su convocatorio di eleccion presidencial poni pa 22 di april proximo. E aprobacion tabata cu 19 voto na fabor, cinco contra, 8 abstencion y dos ausente.
E conseho permanente a reuni diabierna mainta na sede di OEA na Washington,riba solicitud di Argentina (Juan José Arcuri), Brasil (José Luiz Machado), Estadonan Uni (Kevin K. Sullivan), Mexico (Jorge Lomonaco), Panama (Jesus Sierra Victoria) y St Lucia (Anton E. Edmunds).
Na inicio di e actividad, e embahadornan a tene un votacion pa por tene e sesion extraordinario. Aki, cu 19 voto na fabor; 6 en contra; 7 abstencion y 2 ausencia, a aproba e agenda.
Despues, representante Samuel Moncada di Venezuela y Diego Pary di Bolivia, a trece dilanti varios articulo di e reglamento di e comision pa trata di para e proyecto di resolucion tocante e situacion di Venezuela, cu ta pidi apertura di un canal humanitario, retorno na e orden democratico y respet pa derecho humano.
Tambe e paisnan ta considera cu e convocatorio di eleccion presidencial dia 22 di april ta haci imposibel e realisacion di e eleccion democratico, transparente y creibel, conforme normanan internacional.
Ta exhorta gobierno di Venezuela pa reconsidera e convocacion prematuro di eleccion presidencial y pa presenta un calendario electoral nobo cu ta haci posibel e realisacion di eleccion cu tur garantia necesario pa un proceso liber, husto, transparente, legitimo y creibel.
Ademas, ta pidi pa e eleccion inclui participacion di tur partido y actor politico Venezolano sin proscrito di ningun clase, observadornan internacional y un conseho nacional electoral di cual e composicion ta garantisa su independencia y autonomia.
