Hende cu ta come promenton pica por biba mas largo y por tin menor riesgo di enfermedadnan cardiaco y cancer den comparacion cu su contrapartenan averso na e berdura, segun un estudio nobo.
Investigadonan di un clinica na Cleveland a analisa 4 estudionan grandi tocante e promentonnan pica y salud, incluyendo datonan di mas di 570.000 persona di Merca, Italia, China y Iran. Nan a haya e personanan cu tabata come promenton pica tabatin un 26% menos di probabilidad di muri di un enfermedad cardiaco y 23% menos probabilidad di muri di cancer, den comparacion cu personanan cu masha straño ta come pica of nunca ta come.
“El a sorprende nos di descubri cu e estudionan aki publica anteriormente, e consumo regular di promenton ta asocia cu un reduccion general di e riesgo di tur e causanan, e enfermedadnan cardiovascular y e mortalidad pa cancer. Ta destaca cu e factornan dietetico por desempeña un rol importante den e salud general”, Dr. Bo Xu, autor principal di e articulo y cardiologo di e clinica na Claveland, a bisa den un comunicado di prensa.
E encuentronan aki lo wordo presenta den e sesionnan cientifico 2020 di American Heart Association e luna aki. Ainda e no ta cla cuanto of ki tipo di promenton pica bo lo mester experimenta come pa obtene e beneficionan of cu cua frecuencia bo mester come nan, ya cu e estudionan inclui den e investigacion aki a analisa diferente cantidad y tipo di promenton.
E investigacion tampoco a demostra cu e promenton lo causa directamente miho resultadonan di salud, pa loke mester di mas investigacion pa compronde con e por traha.
“Actualmente ta desconoce e motibonan y e mecanismo exacto cu lo splica nos hallazgonan. Por lo tanto, ta imposibel pa bisa den manera concluyente cu come mas promenton por prolonga bo bida y reduci morto, specialmente factornan manera cardiovascular of cancer,” Xu a bisa.
Capsaicina, e substancia cu ta duna pica na e promenton, ta relaciona cu hopi beneficio pa salud
Investigacionnan anterior a haya cu promenton pica por yuda reduci inflamacion, disminui e riesgo di enfermedad, alivia dolor, incluso e ta yuda e persona baha peso of evita dañonan celebral relaciona cu edad.
Tur e beneficionan aki ta relaciona cu un substancia kimico specifico cu ta wordo haya naturalmente den e promentonnan cu ta pica: Capsaicina, un compuesto responsabel di e sensacion cu ta pica, cual ta asocia cu e promentonnan. Capsaicina e lo por ta origina manera un mecanismo di defensa di e plantanan di promenton pa descurasha fungus y otro organismonan di come e simia di e mata.
E sensacion di candela door di come promenton pica produci door di e capsaicina, ta uni hunto cu e receptornan di dolor den e curpa y ta promove e liberacion di hormonanan den e curpa cu por reduci e presion arterial y mehora e metabolismo igual cu e digestion. Pero e iritacion stimula door di e capsaicina tambe por haci e curpa por produci dopamina y otro endorfina pa enfrenta e reaccion percibi.
Ta door di esey algun persona ta disfruta cu entusiasmo cumindanan cu ta pica, mientras cu otro tipo di hendenan ta mantene nan mes aleha di condimentonan cu tin pica aden. Si bo ta den e ultimo grupo, no preocupa bo mes: ainda bo por obtene e beneficionan pa e salud di e capsaicina door di come fuentenan mas suave manera cherry, Anaheim y e promentonnan poblano of especienan manera e pimenton.
