For di dialuna te ayera a tuma luga e consulta anti corupcion cu consulado di Colombia a organisa pa nan conciudadanonan residencia na Aruba. Sinembargo e consulta aki a haya un reaccion pober den e comunidad Colombiano cu nan cedula ta registra den nan censo nacional, pa vota na Aruba.
Alrededor di 5 mil Colombiano residencia na Aruba por a haci uzo di e derecho di participa den e consulta aki. Pero no menos cu 500 di nan a bay pa eherce e derecho aki. Nan tabata poco motiva. E ta un cifra hopi inferior cu e eleccion pasa pa eligi presidente nobo di Colombia, unda alrededor di 2500 Colombiano a bay vota. Algun ciudadanonan Colombia a keha di falta di informacion; mientras cu pa via di diferente medio social y di comunicacion e informacion aki a wordo divulga ampliamente.
Por lesa e articulo completo riba pagina 3 di e edicion di 27 di augustus 2018.
