(RFI) – Den oranan di marduga di ayera 10 di mei, a finalisa na Colombia e welga arma decreta pa cartel di Clan del Golfo. Den pleno campaña electoral pa eleccionnan presidencial di e proximo 29 di mei.
Oposicion ta acusa gobierno di permiti e violencia paramilitar den zona faborabel pa e iskierdista Gustavo Petro, y cu esey e desmobilisacion di e votadonan.
Siman pasa, e extradicion di Dairo Antonio Usuga, alias “Otoniel” a causa un represalia inmediato di parti di su organisacion arma Clan del Golfo, cu for di e momento ey a decreta “cuater dia di welga arma”.
E captura di Otoniel a wordo compara cu e caida di e mesun Pablo Escobar, segun presidente Ivan Duque, unda ta berdad cu e cartel aki ta desafia gobierno Colombiano awendia y a paralisa e pais faltando tres siman pa eleccionnan presidencial.
A pesar di esfuersonan di Ministerio di Defensa cu a mobilisa casi 52.000 efectivo den ultimo dianan, e diferente partido di oposicion ta acusa Duque di fracasa den su politica, y di ta permisibel cu e teror paramilitar.
Consuelo Ahumada ken ta specialista den Ciencia Politico y ta ex-candidato pa Senado di coalicion di Pacto Historico, e lista cu ta faborito den encuestanan. A sigura cu e desmobilisacion den dianan aki por yega na e urnanan di e proximo 29 di mei “den e fondo tambe loke nos ta mira ta un campaña di intimidacion pa e poblacion hopi fuerte, den un zona cu ta hopi faborabel pa e candidato Gustavo Petro y Pacto Historico”, el a expresa.
