(Infobae) – Diasabra ultimo den oranan di atardi awasero fuerte a cay rond di e pais, specialmente na e zona central Cundinamarca, cu ta un di e area na unda mas di dies municipio a resulta mas afecta debi na situacion climatico cu a genera problemanan di mobilidad y a obliga e intervencion di organismonan di emergencia.
E municipionan mas afecta ta Tocancipa y Gachancipa, na unda e yobidanan fuerte a ocasiona salida di e riu La Esmeralda, cu a inunda un pida significativo di e via Bogota-Tunja, pa loke Invias mester a cera e caminda totalmente.
Otro municipionan cu tambe a wordo afecta pa e condicion climatico tabata Facatativa, Choconta; Zipaquira; Alban; Guatavita; Cabrera; Venecia; Pandi; San Bernardo y Fusagasuga cu te momento ey a reporta solamente perdidanan material.
E condicion climatico dificil a haci cu varios famia cu escasez di recurso mester a keda na caya pa miedo cu teranan por a los, pa loke nan a pidi ayudo na funcionarionan di e municipio y tambe na publico den general.
