(El Tiempo) – E curpa di un muhe a ser haya den un estado di descomposicion avansa dia 4 di december ultimo na Popayan – El Tambo, un caso cu ta causando conmocion na el Cauca, Colombia.
Di acuerdo cu rapportnan preliminar, ta parce cu ta trata di e hoben Esther Dayana Dimey Muñoz, ken tabata desaparecido for di haci dos luna na ciudad di Popayan.
25 di september ultimo den oranan di anochi, un muhe di 23 aña a ser reporta como desaparecido despues cu a sali for di su cas na bario Chama, ubica na ciudad di Popayan. E tabata bayendo un restaurant pa topa cu un persona cu a conoce riba rednan social.
Pero, e hoben nunca a menciona e nomber di e persona ey of e luga unda nan a mester topa cu otro. Ultimo informacion cu a haya sa ta cu el a sali di su cas 8.00pm y no a bin back.
E situacion aki a genera un preocupacion entre su famianan y conocidonan, ken for di e momento ey, a cuminsa un campaña di buskeda den colaboracion cu autoridadnan y Secretaria di Hende Muhe di el Cauca.
Awor, segun autoridadnan encarga cu e caso, probablemente e curpa cu a ser haya via Popayan- El Tambo ta di e hoben Muñoz.
Medionan a reporta cu e curpa a ser haya dera den un caminda publico y tabata den un estado di descomposicion avansa.
Di acuerdo cu director di seccion di Fiscalia di el Cauca, e curpa a ser transporta na instalacion di Medicina Legal.
Te ayera no tabata conoci di manera precies e causa di e morto di e muhe of e circunstancianan den cual el a fayece. Autoridadnan di Colombia ta sigui traha den e caso aki.
