(Infobae) – Ministerio di Salud y Invima no a cumpli cu Tribunal di Cundinamarca pa presenta un plan di urgencia pa trata e crisis di medicamentonan na Colombia.

Awor e autoridad hudicial a notifica cu si den tres dia no lo cumpli cu e solicitud cu a ser pidi dia 30 di october, ta bay cuminsa un proceso contra e funcionarionan di e entidadnan aki. Loke ta nifica cu ta bay evalua sancionnan pa no cumpli cu un orden di un magistrado pa entrega un plan di respuesta pa e crisis di medicamentonan na e pais. “Prome cu lo tuma e accionnan debi, ta REKERI na e señor minister di Salud y Proteccion Social, Guillermo Alfonso Jaramillo Martínez, y director di Instituto Nacional di Vigilancia di Medicamento y Alimento (INVIMA), Germán Velásquez Arango, pa den un termino di tres (3) dia siguiente na e presente notificacion, duna cumplimento na e orden di dia 20 di october 2023,” Tribunal di Cundinamarca a señala.

E decision di e autoridad hudicial ta di dia 17 di november, un dia despues cu e plaso inicial pa entrega e plan di urgencia debi na e situacion a vence. Aunke e entidadnan a contesta e rekerimento di e Tribunal, esey no tabata suficiente.

Segun loke e corant El Tiempo a revela, Ministerio di Salud no a duna un diagnostico di e causanan di e problematica demanda, como tampoco a establece e plan di urgencia pa no conta cu tareanan, cronograma y actividadnan estableci pa atende e situacion.

Pa e magistrado, Ministerio di Salud y Invima a entrega un rapport cu tabata pretende mal informa di e concesion di e medida di e accion popular, debi cu nan ta argumenta cu e situacion tabata bin for di 2019 y no ta culpa di Gobierno nacional actual, asina como tambe cu tabatin otro actornan cu ta influi den e disponibilidad di medicamentonan pa pashentnan di sistema di salud, aunke di acuerdo cu e medio aki, Invima a comprometi su mes di agilisa e solicitudnan di medicamento resalta pa Tribunal como esnan atrasa, e magistrado Lasso a cuestiona cu tabatin solamente 65 tramite di medicamento den escasez y no 27.904 cu ta keda sin resolve, ni tampoco ta indica ki proceso ta bay haci.

Tribunal den su decision, a pone un audiencia pa 29 di november den cual tanto minister como e director mester asisti of conecta virtualmente pa haci siguimento na e plan urgente cu mester haci den proximo dianan.

E proceso aki a cuminsa pa un accion popular acompaña di Procuraduria General di Nacion, despues cu Invima a emiti un rapport den cual a señala cu 377 medicamento registra na e pais, 245 tin algun tipo di riesgo di escasez.

Den e prome decision di e Tribunal cu a ordena establece un plaso di 10 pa presenta un plan di urgencia, Invima a presenta un recurso na Conseho di Estado cu e obhetivo di trek e medidanan cautelar. Sinembargo, e solicitud a ser rechasa.