(Infobae) – Un reunion entre minister di Defensa, general Pedro Sanchez, y presidente di Hurisdiccion Special pa Paz (JEP na Spaño), Alejandro Ramelli, tabata marca pa un ambiente di tension debi na e cobamento realisa na e Scol di Logistica di Ehercito, a pesar di e existencia di medidanan cautelar cu tabata prohibi e tipo di actividad aki.

Segun Blu Radio a informa, e encuentro cu inicialmente no tabatin proposito di aborda e tema en cuestion, a desvia den un intercambio di postura tocante e hechonan cu a tuma lugar dia 3 di februari na e Batallon di Contrainteligencia.

Minsiter Sanchez a expresa su inconformidad pa e leak di informacion na medionan di comunicacion tocante e hallazgo di un pida ribchi humano den e tereno di e Scol di Logistica. Segun e medio, e minister a señala cu ni Forsanan Arma di ministerio di Defensa a ricibi notificacion oficial di Medicina Legal of JEP riba e descubrimento aki.

Despues, ministerio di Defensa a manda un oficio formal na presidente di JEP solicitando pa verifica e veracidad di e informacion difundi pa e medionan, y pa revisa e protocolnan pa maneho di datonan sensible.

Presidente di JEP, Alejandro Ramelli, a responde cu maske e leak di informacion ta un tema relevante, e foco principal mester ta riba e gravedad di e cobamento realisa pa militarnan den un area protegi pa medidanan cautelar. E medidanan aki tabata imponi pa preserva posible evidencia relaciona cu e buskeda di desaparecidonan den e conflicto arma. Ramelli a subraya cu e actividadnan realisa den e Batallon de Contrainteligencia ta un violacion directo di e medidanan.

Magistrado Pedro Elias Diaz, magistrado auxiliar Hugo Escobar y secretario ehecutivo Harvey Suarez tambe tabata presente den e reunion, reflehando e importancia institucional di e encuentro.

Durante e discusion, minister Sanchez a reitera e disposicion di ministerio di Defensa pa colabora cu e investigacion, pero a insisti cu te na e momento no a ricibi ningun notificacion oficial cu ta confirma e hallazgo di restonan humano na e lugar.

Paralelamente, ta existi indicacion cu na otro unidadnan militar di e pais por tin restonan humano relaciona cu desaparicionnan cu a sucede den decadanan di 1980 y 1990, un periodo marca pa conflicto interno y violencia politico. E restonan haya na e Scol di Logistica por ta vincula na desaparicionnan forsa di hende asocia cu movementonan sindical, activismo politico of presunto integrante di gruponan arma ilegal.

E caso di Batallon di Contrainteligencia Charry Solano, tambe na Bogota, ta un di e mas mediatico den e contexto aki. E lugar ey a keda señala como un posible sitio di deramento clandestino y e investigacionnan eynan a genera gran interes publico. Sinembargo, e revelacionnan nobo ta punta cu e practicanan aki por a extende na otro instalacionnan militar, loke ta amplia significantemente e alcance di e investigacionnan hudicial.

JEP, crea como parti di e Acuerdo di Paz di 2016 entre gobierno Colombiano y FARC, tin como meta principal pa esclarece e crimennan cometi durante e conflicto arma y garantisa husticia pa e victimanan. Den e contexto aki, e hallazgonan recien por converti den piesanan clave pa avansa e buskeda di berdad y reparacion.