Colombia ta spera cu e paisnan cu ta “defensor di democracia” retira nan embahador di Venezuela y no ta reconoce gobierno di Nicolas Maduro desde dia 10 di januari 2019, ora Maduro ta pretende inicia un mandato nobo, asina presidente Colombiano Ivan Duque a declara dialuna pasa.
E mandatario a boga igualmente pa un presion mas grandi riba Maduro pa e pais por recupera “libertad y democracia”compara cu loke el a describi como un “dictadura abrumador”.
Crea na 2017 despues di e protestanan contra Maduro cu a laga un saldo di 125 morto, e Grupo di Lima ta evalua kibra relacion conhuntamente cu Maduro. E foro ta integra pa Argentina, Brasil, Canada, Chile, Colombia, Costa Rica, Guatemala, Honduras, Mexico, Panama, Paraguay, Peru, Guyana y Saint Lucía.
Duque, cu ademas ta encabesa e grupo di pais cu ta pidi un investigacion contra Maduro den Corte Penal Internacional (CPI) pa crimen contra humanidad, ta confia cu e campaña internacional pronto lo duna resultado.
Mientras tanto, Maduro ta prepara pa cuminsa dia 10 di januari un segundo mandato di seis aña, despues di keda reeligi den eleccion boicotia pa oposicion, cu a denuncia esaki como un fraude, y ademas desaproba pa Merca, Union Europeo, y varios pais di America Latino.
E gobernante socialista a vincula siman pasa e futuro gobierno di Brasil y esun di Colombia cu un supuesto plan di Cas Blanco pa organisa un golpi di estado na Venezuela, y incluso di mata Maduro.
Salvo pa trato consular y na nivel di encargado di asunto, Bogota congela su relacion cu Caracas desde mita di aña pasa. Siman pasa esaki a escala cu e expulsion di funcionario di ambos banda.
