Colombia ta sigui busca ayudo di Merca pa migracion Venezolano

(EFE) – Gobiernonan di Colombia y Merca, a reuni bek ayera diabierna pa debati riba e tema di migracion Venezolano y e posibel solucionnan pa e crisis y problemanan di base na e pais sur Americano.

E mandatarionan di ambos pais, e Mericano Joe Biden y e Colombiano Gustavo Petro, a tene un encuentro breve durante e lunch di e lidernan na Foro di Cooperacion Economico Asia-Pacifico (APEC na Ingles) cu a tuma luga ayera na San Francisco, na unda a bolbe trata e tema aki, cu ta central den tur conversacion cu nan ta tene.

“Awe, atrobe nos a papia di e tema cu ta preocupa na nan cu ta migracion y den esey ta fundamental e problema Venezolano. Mañan ta bay tin otro conversacion cu funcionarionan di departamentonan di Gobierno Mericano y canciyer Alvaro Leyva,” Petro a bisa despues di e reunion.

Den sentido ey, Colombia ta bay mantene e posicion cu a reafirma na Merca cu tur coriente humano cu ta caminda pa Tapon di Darien (cu ta dividi Colombia cu Panama) mester trata pa soluciona e problemanan di blokeo economico cu por tin boluntariamente un regreso pa Venezuela.

“A medida cu ta kita e sancion, ta construi e proceso electoral Venezolano cu garantianan democratico. Esey ta e dos rail den cual tin cu bay y ora lo lanta e sancionnan na Venezuela, e posibilidad di bay back ta hopi mas grandi cu e circunstancianan actual,” el a bisa.

Petro ademas a probecha un encuentro nobo cu Biden, e segundo den menos di un luna, pa puntra na e potencianan grandi, atrobe, durante su intervencion tocante e rol cu e potencia Mericano -y otro potencianan presente manera China of Rusia- tin den e gueranan.

E mandatario Colombiano, cu a tuma parti pa e causa di Palestino a priminti hiba Israel na Corte Penal Internacional pa crimen di guera, a probecha su intervencion den e mesa pa afiansa su posicion, cu ta diferente cu esun di paisnan manera Merca, anfitrion di e reunion na San Francisco.

“Den mundo aki, si boso ta crusa e crisis climatico cu tension politico y militar di mundo, ta bay haya loke cu loke ta dañando ta e derecho internacional humanitario (DIH). Loke a crea for di e derota di nazi, un especie di mundo democratico, di foro di discusion y tension, cu solucionnan pacifico, awe esey ta cayendo.” El a bisa.