(NTN24) – Despues di un conseho di siguridad adelanta pa departamento di Arauca, autoridadnan Colombiano diaranson ultimo a ordena e fortalecemento di e presencia di Ehercito Nacional na municipio di Arauquita, na unda mas di tres mil Venezolano a mobilisa pa via di e conflicto arma entre forsa militar Venezolano y disidentenan Colombiano.
General Mauricio Zabala, comandante di Division Ocho di Ehercito Colombiano a anuncia e mobilisacion di 2.000 soldaat na e sector di frontera cu Venezuela.
Segun e oficial, e desplasamento di e tropa no ta motibo di e ingreso of entrada di militarnan Venezolano, sino pa adelanta controlnan cu lo permiti descarta e infiltracion entre e refugiadonan cu a desplasa pa Colombia desde Venezuela.
Den ultimo dianan, tin un total di mas di 3.100 Venezolano a huy na teritorio Colombiano pa protege nan mes di enfrentamentonan entre Forsa Arma Nacional y disidencianan.
Defensoria di Pueblo di Colombia a instala un comision humanitario na Arauquita pa asisti e miles di Venezolano cu desde dialuna a cuminsa yega na e zona fronteriso y nan ta den refugionan temporal.
