(DW) – Asesinato di un polis di transito, kimamento di por lo menos cuatro auto y disturbionan den algun sector di Tulua dia 10 di februari ultimo, a duna como consecuencia e orden di militarisacion di e ciudad aki di Valle den Cauca, na Colombia.
E medida a ser anuncia pa gobernador di Valle del Cauca, Dilian Francisca Toro, ken riba e red social “X” a bisa cu pa garantisa e orden publico di Tulua, “nos ta bay militarisa e ciudad pa acompaña Polis den nan funcion.”
Segun Toro a splica, e accionnan ta coordina pa Polis, Ehercito y alcalde di Tulua, Gustavo Velez, ken a afirma cu a decreta toque de queda y a demas a prohibi pa dos persona por core den mesun brommer, solamente un so ta permiti.
E situacion a cuminsa cu e atake na dos agente di transito di parti di sicarionan, den accionnan separa, pero cu corto tempo di diferencia entre nan, loke a costa e bida di un di e agentenan. Ademas di esaki, tambe a ser kima cuatro auto den diferente caya di Tulua.
“Delincuentenan ta reaccionando violentamente na Tulua pa e captura di nan lidernan y e medidanan cu nos a tuma,” Toro a agrega, haciendo referencia na operacionnan contra gruponan criminal cu ta opera na e ciudad aki. E mas reciente accion di autoridadnan a permiti captura Mauricio Marin Silva, alias “Nacho”, hefe di e grupo delincuencial “La Inmaculada.”
Di otro banda, Ehercito a informa cu 160 homber ta reforsa e dispositivo di siguridad den coordinacion cu Polis y autoridadnan regional y local. Nan ta bay enfoca den implementacion di puntonan di control den vianan di acceso, refuerso operacional y presencia den vianan di e parti urbano.
