(EFE) – Colombia ta busca cu Merca lo destina mas ayudo pa garantisa acceso pa awa potabel den e pais sur Americano, segun e minister di Vivienda di e pais aki Catalina Veasco a señala den un bishita pa Washintong.
Velasco, ken diahuebs ultimo a reuni na e capital Mericano cu funcionarionan di e Cas Blanco, incluyendo e asesor principal di Latino America, Juan Gonzalez, den un conversacion cu periodistanan a señala cu ta busca atrae “recursonan publico y priva” pa Colombia.
Como resultado di su bishita, Merca y Colombia a acorda crea den nan agencia bilateral, un mesa tecnico pa loke ta trata acceso pa awa, saneamento publico y vivienda.
“E cooperacion di Merca ta clave pa nos haci di esaki un prioridad di gobierno pa un realidad di e pais” embahador di Colombia na Washintong, Luis Gilberto Murillo a bisa den un comunicado di prensa cu a publica prome cu e reunion cu minister Velasco.
Ta espera cu den e mesanan aki ta bay yega na acuerdonan preliminar na final di maart, segun un vocero di embahada a indica.
Na Colombia, cerca di cuater miyon persona ta bebe awa no apto pa consumo humano, di acuerdo cu un estudio di Instituto Nacional di Salud di e pais publica na 2020.
