(EFE) – Fundacion pa Libertad di Prensa (FLIP) diaranson ultimo a bati alarma riba e presidente Gustavo Petro e cual a publica 34 tuit den ultimo luna referiendo na nuebe medio di comunicacion, den hopi di nan “ta pretende sembra e duda na e sociedad riba e manera adecua pa medionan haci nan trabao.”
“Den su publicacionnan, e presidente ta haci coreccion, ta contesta of ta cuestiona medionan di comunicacion tocante e manera con nan ta informa di su gobierno. Tambe a califica e informacion periodistico como falso y a contesta mensahenan di otro hende cu ta referi na e periodistanan den un forma di burla,” e fundacion a señala den un comunicado.
Segun FLIP, esaki a origina debatenan riba Twitter di temanan como “transicion energetico, dialogonan di paz cu gruponan ilegal y señalamento pa acoso sexual na personanan cu a apoya Pacto Historico,” e coalicion iskierdista cu a hiba Petro te presidencia.
Den ultimo simannan, Petro a contesta twits na varios medio di comunicacion como un di e emisora Blue Radio den cual tabata haci un encuesta cu e frase “Pa loke ta trata e proyecto den cual a plantia libera presonan na Colombia, bo ta di acuerdo cu minister di Husticia, Nestor Osuna, of cu alcalde Claudia Lopez?”
Pa loke e mandatario a contesta, “Muy mal incitando un eror. Loke e proyecto ta propone ta pa crea husticia restaurativo, kiermen, busca prome cu tur cos, e resturacion di e victima y logra e rehabilitacion di e presonan.”
FLIP a señala cu no tur e tuit di Petro “pa prensa den ultimo lunanan tin e mesun implicacion pa libertad di expresion,” den contexto, “e motivacion y alcance na cada un di nan por varia, loke mester di un reflexion mas profundo.”
Segun FLIP, e mensahenan di Petro ta yega memey di un tendencia regional den cual hefenan di Estado ta utilisa rednan social pa desacredita adversarionan of periodistanan, y den algun caso, pa “instiga ciudadanonan pa actua cu violencia contra nan.”
Ta p’esey cu FLIP a pidi na Petro pa ta mas contundente na ora di “abstene di emiti cualkier mensahe cu ciudadanonan por interpreta como autorisacion pa actua cu violencia contra prensa.”
