(AP) – Colombia su gobierno a informa diahuebs cu e grupo guerrilla ELN ta responsabel pa e secuestro den fin di siman di e tata di nacional Colombiano y hungador di Liverpool Luis Diaz. E delegacion di paz di e gobierno, cual actualmente ta den negociacion cu ELN, a bisa den un declaracion cu e ta “oficialmente altanto” cu e secuestro a ser “causa pa un unidad cu ta pertenece na ELN.”
“Nos ta exigi pa ELN libera inmediatamente Mr. Luis Manuel Diaz y ta bisa di awo cu nan ta completamente responsabel pa sigura su bida y integridad,” Otty Patino cu ta lidera e delegacion di pas a declara.
Ambos mayor di Diaz a ser secuestra pa hombernan arma riba brommer diasabra na stacion di gasolin. E futbolista su mama, Cilenis Marulanda, a ser rescata dentro di oranan pa polis cu e pone blokiada alrededor, cerca di e frontera Colombiano cu Venezuela.
Diaz su tata ta permanece perdi, cual a causa cu e forsanan special a busca su persona den un montaña cu ta cubri ambos pais. Polis tambe a ofrece un recompensa di 48,000 pa informacion cu ta hiba autoridadnan na Diaz su tata.
