(NTN24) – E situacion di orden publico na departamento di Antioquia, na nort di Colombia ta critico debi na welga minero cu for di varios dia caba ta bin afectando e region.
For di 2 di maart ultimo, varios camindanan a wordo blokia pa e mineronan cu ta protesta contra destruccion di parti di forsa publico cu ta saca oro di manera ilegal.
E tension a bin aumentando cu e paso di varios dia di protestanan, varios di e manifestante a purba kima e sede di alcaldia di Caucasia y diahuebs di siman pasa a destrui un banco di e mesun municipio.
Den oranan di ayera, a presenta varios disturbio den e via cu ta conecta municipio di Taraza cu Caseres y Caucasia, na unda varios persona a kima un peahe.
E manifestacion a registra a poco oranan cu Gobierno di Colombia, cu Gustavo Petro como presidente, a lidera un conseho di siguridad na municipalidad di Montelibano, na departamento bisiña di Cordoba.
E mandatario a sigura cu ta bay mantene e accionnan di forsa publico den e zona y cu ta bay tin “un linea di control pa tur e mashinnan geel di Colombia, pa monitoria y destrui esnan cu ta wordo usa den riunan pa mineria ilegal.”
Pa loke ta trata violencia, Petro a afirma cu “e bida di e hende malo cu a wordo poni na peliger, tabatin aislamento di e poblacion civil y hopi luga a keda sin medicina ni sosten. Incluso tabatin intento di ataca acuaducto di awa potabel, lo cual ta indica cu mas cu un atake contra gobierno, tabata un atake contra poblacion.”
Di otro banda, e hefe di Estado a señala cu Gobierno no tin prueba cu un grupo arma ilegal “Clan del Golfo” ta tras di e welga minero aki cu ta afecta Bajo Cauca antioqueño.
“Ningun organisacion por acerca na un negociacion cu husticia si den su cabes ta busca defende economia ilegal, como mineria ilegal of narcotrafico,” el conclui.
