(Infobae) – Carolina Martinez, ex asistent di ex director di Unidad pa Unidad Nacional de Gestion del Riesgo de Desastres, a referi na pedidonan di e Minister di Interior di e tempo ey y e director di Dapre, cual a ser comunica via Jaime Ramirez Cobo.
Den e dianan recien ta conoce cada biaha mas detaye tocante e caso di corupcion cu a ser registra na Unidad Nacional para la Gestión del Riesgo de Desastres (Ungrd), cual tin como protagonista Olmedo Lopez, ex director di e entidad y Sneyder Pinilla, ken ta ex subdirector di maneho di desaster, relacioan cu e direccion di contractnan aparentemente bao instrucion di e ehecutivo.
Ayera atardi a conoce e contenido di un audio cu Carolina Martinez, ken tabatin funcion di asistente di Lopez durante su presencia na Ungrd, a manda pa Pinilla den cual ta menciona Luis Fernando Velasco, ken tabata e Minister di Interior, y Carlos Ramon gonzalez, ken a fungi como director di Dapre y awe ta na DNI.
Segun e revelacion na Semana, Martinez a comparti cu e ex subdirector di Unidad un ordo unda cu via Jaime Ramirez Cobo, conexion entre Gobierno y Congreso, el a ricibi na su telefon di parti di tanto Velasco como Gonzalez. Den e audio nan ta papia tocante e necesidad di cumpra miembronan di Congreso pa aproba e reformanan di gobierno.
Den e audio por scucha “Ney (Sneyder), yudami papia cu e director. E asesor di Congreso di e Minister di Interior y dokter Carlos Ramon di Dapre ta mandami. E semper a manda cierto solicitud pa e director atende cune, mi ta compronde cu e ta e conexion na Congreso pa nan dos,” Carolina Martinez a afirma, haciendo mencion na e papel cu Ramirez Cobo ta hunga pa gobierno.
A causa di esaki Ministerio Publico (OM) a habri investigacion contra Ricardo Bonilla, Luis Fernando Velasco y otro funcionarionan pa corupcion na Ungrd. E Minister di Finanzas a ser acusa di dirigi contract pa faborece miembronan di congreso y e Ex Minister di Interior a ser acusa di duna ordo dentro di e skema aki.
Acusacionnan nobo cu Olmedo Lopez a haci tocante e corupcion na Unidad Nacional de Gestión del Riesgo de Desastres (Ungrd), cual el a dirigi, ta bao e bista di Ministerio Publico di e nacion.
Segun e revista Semana a publica, el a habri un investigacion preliminar contra algun di e alto funcionario y ex funcionario di gobierno cu a ser acusa.
Ministro di Finanzas, Ricardo Bonilla, su asesora Maria Alejandra Benavides y e ex Minister di Interior Luis Fernando Velasco conhuntamente cu ex director di Departamento Administrativo de la Presidencia (Dapre) Carlos Ramon Gonzalez, ta riba e lista di e personanan cu fiscalnan ta investigando. E ex director di e entidad a involucra nan den e skema.
Aparentemente, Bonilla tabata responsabel pa direccion di varios contract na 6 congresista pa asina nan apoya e votacion di reformanan social di Gobierno nacional den Congreso di e Republica. Di su parti, e ex minister Luis Fernando Velasco a duna ordo relaciona cu e caso di corupcion.
En todo caso, ambos funcionario a nenga e acusacionnan den nan contra.
