Gobierno di Colombia no ta brinda garantia di siguridad pa e ex-guerrilleronan cu a suscribi e acuerdo di paz na e pais Sur Americano, e congresista di Fuerza Alternativa Revolucionario di Comun (FARC), Jesus Santich a denuncia.
Den un entrevista cu un corant Argentino, Pagina 12, Santrich a sigura cu te awo, sikiera 120 militante di FARC ta victima di asesinato, segun AVN.
El a manifesta cu durante e mesa di negociacion cu Gobierno di Juan Manuel Santos, e ex-grupo guerrillero a solicita garantianan cu awe a ser viola, di cual su prueba ta ‘e persecucion di esunnan cu ta defende paz, e montahe, traicion, no cumplimento pa e re-incorporacion, maltrato di campesino y falta di garantia di siguridad pa nos”, el a splica den un reseña na Prensa Latina.
E congresista a destaca cu ta existi un determinacion di impedi e materialisacion di re-incorporacion politico di e movemento FARC, y su caso ‘ta simplemente un instrumento pa termina di kibra den pida e implementacion di e acuerdo di paz’.
